News October 10, 2025
OTT, TVల్లోకి ‘కిష్కింధపురి’.. డేట్స్ ఫిక్స్
తెలుగు హారర్ మూవీ ‘కిష్కింధపురి’ ఓటీటీ రిలీజ్ డేట్ ఫిక్స్ అయింది. అక్టోబర్ 17 నుంచి Z5 ప్లాట్‌ఫామ్‌లో స్ట్రీమింగ్ కానుంది. అక్టోబర్ 19న టీవీల్లోనూ ప్రేక్షకులను అలరించనుంది. బెల్లంకొండ సాయి శ్రీనివాస్, అనుపమ పరమేశ్వరన్ ప్రధాన పాత్రల్లో నటించిన ఈ సినిమా సెప్టెంబర్ 12న రిలీజైంది. దెయ్యాల నేపథ్యంలో వచ్చిన ఈ చిత్రం ప్రేక్షకులను భయపెట్టింది. మరి మీరు ఈ మూవీ చూశారా? ఎలా ఉందో కామెంట్ చేయండి.
Similar News
News October 10, 2025
ఇంటర్ పరీక్ష ఫీజు చెల్లింపు గడువు పొడిగింపు
AP: ఇంటర్మీడియెట్-2025 పరీక్షల ఫీజు చెల్లింపు గడువు నేటితో ముగుస్తుండటంతో ఈనెల 22 వరకు దాన్ని బోర్డు పొడిగించింది. జనరల్, వొకేషనల్ కోర్సులు చదివే ఇంటర్ ఫస్టియర్, సెకండియర్ రెగ్యులర్, ప్రయివేటు అభ్యర్థులు గడువులోగా ఫీజు చెల్లించాలని సూచించింది. రూ.1,000 ఆలస్య రుసుముతో ఈనెల 30 వరకు ఫీజు చెల్లించవచ్చు. ఇదే చివరి ఛాన్సు అని మరోసారి పొడిగింపు ఉండదని ఇంటర్ బోర్డు కార్యదర్శి భరత్ గుప్తా స్పష్టం చేశారు.
News October 10, 2025
2047నాటికి నంబర్ వన్‌గా AP: చంద్రబాబు
AP: విశాఖలో గూగుల్ ఏఐ డేటా సెంటర్ రాబోతోందని సీఎం చంద్రబాబు పేర్కొన్నారు. నెల్లూరు జిల్లాలో పర్యటిస్తున్న ఆయన విశ్వసముద్ర గ్రూప్ ప్రాజెక్టులను ప్రారంభించారు. ‘రామాయపట్నంలో త్వరలో BPCL పెట్టుబడులు పెడుతోంది. ప్రపంచాన్ని శాసించే శక్తి మన పిల్లలకు ఉంది. 2047నాటికి ప్రపంచ దేశాల్లో భారత్ అగ్రస్థానంలో నిలుస్తుంది. అప్పటికి దేశంలోనే AP నంబర్ వన్‌గా అవతరిస్తుంది’ అని తెలిపారు.
News October 10, 2025
వంటింటి చిట్కాలు
* దొండకాయలు తరిగేటప్పుడు చేతులకు కొద్దిగా నిమ్మరసం రాసుకుంటే వాటి జిగురు చేతులకు అంటుకోకుండా ఉంటుంది.
* అరటికాయలు కోసిన తరువాత నల్లబడకుండా ఉండాలంటే వాటిని వేసే నీళ్ళలో నాలుగు చుక్కల వెనిగర్ కలపాలి.
* బియ్యం డబ్బాలో నాలుగు వెల్లుల్లి రెబ్బలు ఉంచితే పురుగులు చేరవు.
* అరిసెలు వండేటప్పుడు పాకంలో బియ్యప్పిండి సరిపోకపోతే తగినంత గోధుమపిండి కలపండి. <<-se>>#VantintiChitkalu<<>>