News October 24, 2024
తమిళ తంబీల దెబ్బకు కుప్పకూలిన కివీస్
రెండో టెస్టులో తమిళ తంబీలు వాషింగ్టన్ సుందర్, రవిచంద్రన్ అశ్విన్ దెబ్బకు న్యూజిలాండ్ జట్టు కుప్పకూలిపోయింది. అనూహ్యంగా జట్టులో చోటు దక్కించుకున్న సుందర్ సంచలన ప్రదర్శన చేశారు. గింగిరాలు తిరిగే బంతులతో కివీస్ ఆటగాళ్లను ముప్పతిప్పలు పెట్టారు. మొత్తం ఏడుగురు కివీస్ బ్యాటర్లను పెవిలియన్కు పంపారు. మరోవైపు అశ్విన్ కూడా 3 వికెట్లతో చెలరేగడంతో పర్యాటక జట్టు ఓ మాదిరి స్కోరుకే పరిమితమైంది.
Similar News
News October 24, 2024
‘బాలయ్య పండుగ’.. రేపు సెలవివ్వాలని ప్లకార్డుల ప్రదర్శన
సీనియర్ హీరో బాలకృష్ణ హోస్ట్గా వ్యవహరిస్తోన్న ‘అన్స్టాపబుల్ షో’ సీజన్ 4 రేపటి నుంచి ప్రసారం కానుంది. ఈ కార్యక్రమానికి గెస్ట్గా ఏపీ సీఎం చంద్రబాబు హాజరయ్యారు. ఈ క్రమంలో రేపు సెలవు ఇవ్వాలని ఐటీ ఉద్యోగులు ప్లకార్డులు ప్రదర్శించారు. అక్టోబర్ 25ను బాలయ్య పండుగగా ప్రకటించాలని డిమాండ్ చేస్తున్నారు. దీనికి సంబంధించిన ఫొటోలు నెట్టింట్లో వైరలవుతున్నాయి.
News October 24, 2024
ఖలిస్థానీలకు కెనడా అందమైన దేశం: సంజయ్ వర్మ
ఖలిస్థానీ ఉగ్రవాదులకు, మద్దతుదారులకు కెనడా ఓ అందమైన దేశమని, అక్కడి సున్నితమైన న్యాయ వ్యవస్థ వల్ల వారు ఆశ్రయం పొందుతున్నారని దౌత్యవేత్త సంజయ్ వర్మ వ్యాఖ్యానించారు. నిజ్జర్ హత్య కేసులో తనను అనుమానితుల జాబితాలో చేర్చడం షాక్కు గురి చేసిందని, ఇదోరకమైన వెన్నుపోటని పేర్కొన్నారు. తమ వేర్పాటువాదానికి మద్దతు ఇవ్వాలని ఖలిస్థానీలు ఇతర సిక్కులను బెదిరిస్తున్నారని అన్నారు.
News October 24, 2024
బిగ్బాస్ నుంచి బయటికి గంగవ్వ?
బిగ్బాస్ హౌస్లో ఉన్న గంగవ్వను షో నిర్వాహకులు బయటికి పంపించనున్నట్లు టాక్ నడుస్తోంది. ఆమె మీద <<14433584>>కేసు<<>> నమోదైన నేపథ్యంలో ఈ నిర్ణయం తీసుకున్నారని అంతర్గత వర్గాలు చెబుతున్నాయి. అయితే దీనిపై అధికారిక సమాచారం రావాల్సి ఉంది. యూట్యూబ్ వీడియో కోసం రామచిలకను హింసించారంటూ గంగవ్వ, యూట్యూబర్ రాజుపై గౌతమ్ అనే జంతు సంరక్షకుడు పోలీసులకు ఫిర్యాదు చేసిన సంగతి తెలిసిందే.