News March 7, 2025
KKD: మెగా సిటీ ఏర్పాటు చేయాలని సీఎంకు వినతి
కాకినాడలో సామర్లకోట, పెద్దాపురం మున్సిపాలిటీలను కలిపి మెగాసిటీ ఏర్పాటు చేయాలని ప్రజలు కోరుతున్నారు. ఈ మేరకు కరపకు చెందిన కొందరు మేధావులు సీఎంకు వినతిపత్రం పంపారు. కాకినాడ సిటీతో పాటు రూరల్, పిఠాపురం, పెద్దాపురం, ముమ్మడివరం అనపర్తిలలోని 26 గ్రామాలను కలుపుతూ 53 కిలోమీటర్ల మేర రింగ్ రోడ్డు ఏర్పాటు వలన ఈ ప్రాంతం అభివృద్ధి చెందుతుందని వారు ప్లాన్ రూపొందించి బుద్ధాలసత్తిబాబు నేతృత్వంలో సీఎంకు పంపారు.
Similar News
News November 29, 2025
పోక్సో కేసులో వ్యక్తికి మూడేళ్ల జైలు: VZM SP
విజయనగరానికి చెందిన వి.రవి (49)పై 2025లో నమోదైన పోక్సో కేసులో 3 సంవత్సరాల జైలు శిక్ష, రూ.3వేలు జరిమానా విధించినట్లు ఎస్పీ ఏ.ఆర్.దామోదర్ తెలిపారు. బాలికపై లైంగిక దాడికి పాల్పడిన నిందితుడిపై మహిళా పోలీస్ స్టేషన్ పోలీసులు వేగంగా దర్యాప్తు జరిపి కోర్టులో ఆధారాలు సమర్పించడంతో శిక్ష పడిందన్నారు. బాధితురాలికి రూ.50 వేల పరిహారం మంజూరు చేసినట్లు స్పెషల్ పోక్సో కోర్టు తీర్పు ఇచ్చిందన్నారు.
News November 29, 2025
నేడు భారీ వర్షాలు: APSDMA
AP: ‘దిత్వా’ తుఫాను ప్రభావంతో ఇవాళ చిత్తూరు, తిరుపతి, ప్రకాశం, నెల్లూరు, కడప, అన్నమయ్య జిల్లాల్లో మోస్తరు నుంచి భారీ వర్షాలు కురిసే అవకాశం ఉందని APSDMA అంచనా వేసింది. బాపట్ల, పల్నాడు, కర్నూలు, నంద్యాల, అనంతపురం, శ్రీసత్యసాయి జిల్లాల్లో మోస్తరు వర్షాలకు ఛాన్స్ ఉన్నట్లు వివరించింది. ఆయా జిల్లాల్లోని ప్రజలు అప్రమత్తంగా ఉండాలని, రైతులు తగిన జాగ్రత్తలు తీసుకోవాలని సూచించింది.
News November 29, 2025
పాలకు మంచి ధర ఎలా వస్తుంది?
సాధారణంగా పాలలో కొవ్వు, SNF(Solids Not Fat) ఆధారంగా ధరను నిర్ణయిస్తారు. ఇవి రెండూ ఎంత ఎక్కువగా ఉంటే పాలకు అంత ఎక్కువ ధర వస్తుంది. మనం ఎంచుకున్న పశువు బ్రీడ్ బట్టి ఇది ఆధారపడి ఉంటుంది. ఎక్కువ పాల దిగుబడినిచ్చే హోలిస్టిన్ ఫ్రీజియన్‌ పాలలో కొవ్వు 3.5%-3.7% మధ్యలో ఉంటుంది. అందుకే ఈ పాలకు ధర తక్కువ వస్తుంది. అదే జెర్సీ ఆవులు తక్కువ పాలిచ్చినా, ఫ్యాట్ 4-4.5గా ఉండటం వల్ల ఈ పాలకు మంచి ధర వస్తుంది.