News February 24, 2026
KKD: 19,593 ఇళ్లపై సోలార్ ప్యానెల్స్!
KKD జిల్లాలో PM సూర్య ఘర్ పథకం కింద SC, ST వర్గాల గృహాలపై సోలార్ ప్యానెల్ ఇన్స్టాలేషన్ పనులు వేగవంతం చేయాలని కలెక్టర్ షాన్మోహన్ ఆదేశించారు. మంగళవారం KKD కలెక్టరేట్ నుంచి APEPDCL అధికారులు, వెండార్లతో దీనిపై సమీక్షించారు. జిల్లాలో 19,593 మంది SC, STల గృహాలపై సోలార్ ప్యానెల్స్ ఏర్పాటు చేయనున్నట్లు తెలిపారు. లబ్ధిదారులకు ఎటువంటి ఇబ్బంది లేకుండా నాణ్యమైన ప్యానెల్స్ అమర్చాలని అధికారులకు సూచించారు.
Similar News
News February 25, 2026
అంగన్వాడీ భవనాల నిర్మాణం త్వరగా పూర్తి చేయాలి: కలెక్టర్
అంగన్వాడీ కేంద్రాల భవన నిర్మాణాలను గడువులోగా పూర్తి చేయాలని కలెక్టర్ వినోద్ కుమార్ అధికారులను ఆదేశించారు. బుధవారం జరిగిన సమీక్షలో ఆయన మాట్లాడారు. సఖి కేంద్రం పనుల ప్రారంభంలో జాప్యంపై ఇంజినీరింగ్ అధికారులపై అసహనం వ్యక్తం చేశారు. రూ.10 లక్షలతో నిర్మిస్తున్న బాలసదన్ భవనాన్ని మార్చి 15లోగా, శిశు గృహ మరమ్మతులను 15 రోజుల్లోగా పూర్తి చేయాలన్నారు. విధుల్లో నిర్లక్ష్యం వహిస్తే చర్యలు ఉంటాయన్నారు.
News February 25, 2026
శ్రీకాకుళం: డయేరియాకు తాగునీరు కలుషితమే కారణమా?
శ్రీకాకుళం నగరంలో ప్రస్తుతం డయేరియా సమస్యగా మారింది. డయేరియా ప్రబలిన ప్రాంతాల్లో తాగునీటి సరఫరాను నిలిపివేశారు. తాగునీటి కలుషితమే డయేరియాకు కారణమా అన్న చర్చ సాగుతోంది. నీటి సరఫరా కులాయిల్లోకి డ్రైనేజీ నీరు చేరి ఉంటుందని భావిస్తున్నారు. నీటి నమూనాలను విశాఖ ల్యాబ్కు తరలించారు. ల్యాబ్ రిపోర్టు వస్తే స్పష్టత వచ్చే అవకాశం ఉంది. నీరు కలుషితం అతిసార వ్యాధికి కారణమని అధికారుల ప్రాథమిక అంచనా.
News February 25, 2026
NRPT: GI గుర్తింపు కోసం అవగాహన
జాతీయ చేనేత అభివృద్ధి సంస్థ ఆధ్వర్యంలో నారాయణపేట పట్టణంలోని ఎస్ ఆర్ ఫంక్షన్ హాలులో బుధవారం భౌగోళిక సూచన (GI) గుర్తింపు కోసం అవగాహన సదస్సు నిర్వహించినట్లు సీఈవో తేజస్ తెలిపారు. నారాయణపేట చీరలకు భౌగోళిక సూచిక సర్టిఫికెట్ లభిస్తే ప్రపంచ వ్యాప్తంగా చీరలకు గుర్తింపు లభిస్తుందని చెప్పారు. జీఐ గుర్తింపుకు సంస్థ తరపున కృషి చేస్తామని అన్నారు. కార్యక్రమంలో చేనేత కార్మికులు, యజమానులు పాల్గొన్నారు.