News January 30, 2025

KMR: ఏసీబీకి పట్టుబడుతున్నా మారని తీరు!

image

KMR జిల్లాలో కొందరు ప్రభుత్వ ఉద్యోగులు లంచావతారం ఎత్తుతున్నారు. అభాగ్యులను లంచాల రూపంలో దోచుకుంటున్నారు. నవంబర్ 14 న స్టేషన్ బెయిల్ కోసం బాధితుడి నుంచి లంచం తీసుకుంటుండగా రైటర్ తోట రామస్వామితో పాటు SI అరుణ్‌ను ఏసీబీ అధికారులు పట్టుకున్నారు. తాజాగా SI సుధాకర్ పట్టుబడ్డారు. జిల్లాలో రెండు నెలల వ్యవధిలోనే ఇద్దరు SIలు, ఓ రైటర్ ఏసీబీకి చిక్కారు. వారిద్దరూ ఒకే స్టేషన్‌కు చెందినవారు కావడం విశేషం.

Similar News

News November 29, 2025

BOND పేపర్లకు భారీ డిమాండ్.. దోచుకుంటున్న వెండార్లు

image

పంచాయతీ ఎన్నికల వేళ ఉమ్మడి కరీంనగర్ జిల్లాలో బాండ్ పేపర్లకు భారీగా డిమాండ్ పెరిగింది. సర్పంచ్, వార్డు సభ్యుడిగా పోటీచేసే అభ్యర్థి తన ప్రతి నామినేషన్ సెట్‌తో రూ.100 బాండ్ పేపర్‌పై ఆఫిడవిట్ దాఖలు చేయాల్సి ఉండగా, పెరిగిన డిమాండ్‌ను ఆసరాగా చేసుకుని డాక్యుమెంట్స్ వెండార్లు ఒక్కో బాండ్ పేపర్‌కు రూ.50 నుంచి రూ.100 వరకు అదనంగా వసూలు చేస్తున్నారని సిరిసిల్ల జిల్లాకు చెందిన ఓ అభ్యర్థి ఆవేదన వ్యక్తం చేశాడు.

News November 29, 2025

వరంగల్: పంచాయతీలకు సొంత భవనాలు లేవు..!

image

గ్రామాలు పంచాయతీలుగా ఏర్పడి ఏళ్లు గడుస్తున్నా కార్యాలయాలకు మాత్రం సొంతభవనాలు లేవు. ఉమ్మడి వరంగల్‌లో కొన్నిచోట్ల ఉన్న సొంత భవనాలు శిథిలావస్థకు చేరగా, నూతనంగా ఏర్పడిన మరికొన్ని చోట్ల కార్యాలయాలకు భవనాలు లేవు. దీంతో పాలన అద్దె భవనాల్లో నిర్వహించాల్సి వస్తోంది. ప్రస్తుతం సర్పంచ్ అభ్యర్థులను ఎన్నుకునే సమయంలోనైనా కార్యాలయాలకు భవనాలు నిర్మించేలా చొరవ తీసుకునే వారిని ఎన్నుకోవాలని పలువురు కోరుతున్నారు.

News November 29, 2025

నాగార్జున సాగర్: అందాల కొండల మధ్య లాంచీ ప్రయాణం..!

image

నాగార్జునసాగర్‌ నుంచి శ్రీశైలం వరకు లాంచీ యాత్ర నేటి నుంచి ప్రారంభంకానుంది. భక్తులు, పర్యాటకుల నదీ ప్రయాణంతో మరోసారి సందడిగా మారనుంది. సుందరమైన కొండలు, అడవులు, కృష్ణా నదీ దృశ్యాలు ఆకట్టుకుంటున్నాయి. లాంచీలో భద్రత నియమాలను కట్టుదిట్టంగా అమలు చేస్తూ లైఫ్ జాకెట్లను తప్పనిసరి చేశారు. పర్యాటకుల కోసం ప్రత్యేక గైడ్‌లు, తాగునీరు, స్నాక్స్, ఫొటో పాయింట్లు ఏర్పాట్లతో ఉదయం బయలుదేరి వెళ్లనుంది.