News March 29, 2025
KMR: బీసీ విద్యార్థులకు ఉచిత శిక్షణ
HYD స్కూల్ ఆఫ్ బ్యాంకింగ్ అండ్ ఫైనాన్స్ ట్రైనింగ్ ఇన్స్టిట్యూట్ ద్వారా బ్యాంకింగ్ అండ్ ఫైనాన్స్‌లో BC విద్యార్థులకు నెల పాటు నాన్ రెసిడెన్షియల్ ఉచిత శిక్షణ ఇవ్వనున్నట్లు జిల్లా వెనుకబడిన తరగతుల అధికారిని బి.స్రవంతి శుక్రవారం తెలిపారు. శిక్షణ పూర్తిచేసుకున్న అభ్యర్థులకు ప్రైవేటు బ్యాంకుల్లో ప్లేస్‌మెంట్ కల్పిస్తారని పేర్కొన్నారు. డిగ్రీ పూర్తి చేసి 26 సంవత్సరాల లోపు ఉన్న వారు అర్హులని ఆమె తెలిపారు.
Similar News
News November 30, 2025
HYD: భర్తను చంపిన నిందితులకు రిమాండ్
భర్తను హత్య చేసిన కేసులో ముగ్గురు నిందితులను పోలీసులు రిమాండ్ చేశారు. మేడిపల్లి పోలీసుల వివరాలు.. బోడుప్పల్ వాసి బండారు అంజయ్య(55) తాగి వచ్చి గొడవ చేస్తున్నాడన్న కారణంతో అతనిని చంపాలని భార్య ప్లాన్ వేసింది. గురువారం అర్ధరాత్రి భార్య బుగ్గమ్మ, కుమారుడు రాజు, మేనల్లుడు శేఖర్, అంజయ్య మెడకు చున్నీ బిగించి హత్య చేశారు. మృతుడి పెద్ద కొడుకు ఉదయ్ కిరణ్ ఫిర్యాదుతో నిందితులను శనివారం రిమాండ్‌కు తరలించారు.
News November 30, 2025
కాజీపేట: 16 కోచ్‌లతో 200 రైళ్ల తయారీ!
కాజీపేట అయోధ్యపురం రైల్వే మాన్యుఫ్యాక్చరింగ్ యూనిట్‌కు 20 రైళ్ల ఆర్డర్ వచ్చినట్టు దక్షిణ మధ్య రైల్వే సీపీఆర్వో ఎ.శ్రీధర్ తెలిపారు. మోడల్ ఇంజిన్-కోచ్‌ల పరీక్షలు విజయవంతంగా పూర్తయ్యాయని, త్వరలో పూర్తి స్థాయి ఉత్పత్తి ప్రారంభమవుతుందని చెప్పారు. ఒక్కో రైలుకు 16 కోచ్‌లతో 200 రైళ్ల తయారీకి సిద్ధమైందని, దేశంలోనే అత్యాధునిక వసతులతో కోచ్ ఫ్యాక్టరీ రూపుదిద్దుకున్నట్టు వెల్లడించారు.
News November 30, 2025
KMR: ముగిసిన నామినేషన్ల పర్వం.. మొదలైన ప్రచారం
కామారెడ్డి జిల్లాలోని మొదటి విడతలో భాగంగా 167 గ్రామ పంచాయతీల్లో సర్పంచి, 1,520 వార్డు సభ్యుల స్థానాలకు సంబంధించిన మొదటి విడత ఎన్నికల నామినేషన్ల పర్వం ముగిసింది. డిసెంబర్ 11న తొలి విడత ఎన్నికలు జరగనున్నాయి.
ఈ నేపథ్యంలో అభ్యర్థులు తీవ్రంగా శ్రమిస్తున్నారు. గడువు తక్కువగా ఉండటంతో ప్రచారాన్ని హోరెత్తిస్తున్నారు. రాజకీయ వాతావరణం వేడెక్కగా, పల్లెల్లో చలితో నానా తంటాలు పడుతున్నారు.