News March 29, 2025
KMR: వేసవిలో చోరీలు తస్మాత్ జాగ్రత్త: SP

వేసవిలో చోరీల నివారణకు KMR జిల్లా SP రాజేశ్ చంద్ర ప్రజలకు పలు సూచనలు చేశారు. రాత్రి వేళ ఆరుబయట నిద్రించే సమయంలో ఒంటిపై ఆభరణాలు ధరించొద్దన్నారు. సీసీ కెమెరాలు ఏర్పాటు చేసుకొని DVRని రహస్య ప్రదేశంలో ఉంచాలన్నారు. తమ టూర్ వివరాలను ఎట్టి పరిస్థితుల్లో సోషల్ మీడియాలో షేర్ చేయొద్దన్నారు. ఊళ్లకు వెళ్లే వారు ఇంట్లో లైటు వేసి ఉంచాలన్నారు. కొత్త వ్యక్తుల కదలికలపై డయల్ 100కు సమాచారం ఇవ్వాలని సూచించారు.
Similar News
News April 3, 2025
ఎమ్మెల్యేలపై అనర్హత పిటిషన్.. తీర్పు రిజర్వ్ చేసిన సుప్రీంకోర్టు

పార్టీ ఫిరాయించిన తెలంగాణ ఎమ్మెల్యేలపై అనర్హత వేటు వేయాలని దాఖలైన పిటిషన్లపై సుప్రీంకోర్టు తీర్పును రిజర్వ్ చేసింది. ప్రభుత్వం, పిటిషనర్ల తరఫు న్యాయవాదుల వాదనల ముగిశాయి. హిమాచల్ ఎమ్మెల్యే రాణా అనర్హత కేసు విషయాన్ని SC ప్రస్తావించగా అది పూర్తిగా విభిన్నమని ప్రభుత్వ న్యాయవాది అభిషేక్ సింఘ్వీ పేర్కొన్నారు. మరోవైపు సుప్రీంకోర్టుకు వచ్చాక న్యాయవాదుల తీరు మారిపోతోందని జస్టిస్ బీఆర్ వ్యాఖ్యానించారు.
News April 3, 2025
కామారెడ్డి జిల్లాలో నేటి ఉష్ణోగ్రతల వివరాలు

కామారెడ్డి జిల్లాలో ఉష్ణోగ్రతలు కొద్దిగా తగ్గుముఖం పట్టాయి. జిల్లాలో గురువారం అత్యధికంగా నిజాంసాగర్, పిట్లం మండలాలలో 37.5, బాన్సువాడ, బిచ్కుంద మండలాలలో 37.4, మద్నూర్ 37.3, నసుల్లాబాద్ 37.0, కామారెడ్డి, బిక్కనూర్, రామారెడ్డి, దోమకొండ మండలాలలో 36.0 ఉష్ణోగ్రతలు నమోదయ్యాయి. అత్యల్పంగా బిబిపేట మండలంలో 33.3 డిగ్రీల ఉష్ణోగ్రతలు నమోదయ్యాయి….
News April 3, 2025
సరుబుజ్జిలి: నాలుగు నెలల్లో 4 ఉద్యోగాలు

సరుబుజ్జిలి మండలం మర్రిపాడు గ్రామానికి చెందిన వాకముల్లు రమణమూర్తి కుమారుడు బాలమురళి B.TECH పూర్తి చేసి బ్యాంకు ఉద్యోగాలకు ప్రిపేర్ అయ్యారు. 2025 సంవత్సరంలో విడుదలైన రూరల్ బ్యాంక్(RRB) PO, క్లర్క్ ఫలితాల్లో ఉత్తీర్ణుడై చైతన్య గోదావరి బ్యాంక్లో పీవోగా విధులు నిర్వహిస్తున్నారు. ఇటీవల విడుదలైన IBPS క్లర్క్, RPF ఎస్ఐగానూ కూడా ఎంపికయ్యారు. 4 ఉద్యోగాలు సంపాదించడంతో తల్లిదండ్రులు హర్షం వ్యక్తం చేశారు.