News October 12, 2025
KMR: అధ్యయనానికి దరఖాస్తులు ఆహ్వానం!
విదేశీ విద్యా విధానం అధ్యయనం కోసం ప్రభుత్వ, స్థానిక సంస్థలు, మోడల్ స్కూల్, TGRIES పాఠశాలల్లో పనిచేస్తున్న ఉపాధ్యాయులు, ప్రధానోపాధ్యాయుల నుంచి దరఖాస్తులను ఆహ్వానిస్తున్నట్లు DEO రాజు తెలిపారు. కనీసం 10 సంవత్సరాల బోధనానుభవం కలిగి, 55 సంవత్సరాల లోపు ఉన్న, చెల్లుబాటు అయ్యే పాస్‌పోర్ట్ ఉన్నవారు అర్హులన్నారు. అర్హత గల వారు దరఖాస్తులను ఈ నెల 14వ తేదీ సా. 4 గంటలలోపు DEO కార్యాలయంలో అందజేయాలన్నారు.
Similar News
News October 12, 2025
NLG: ఆడపిల్లలపై ఇంకా వివక్షే!..
నల్గొండ జిల్లాలో బాలికల సంఖ్య తగ్గుముఖం పట్టడంపై ఆందోళన వ్యక్తమవుతోంది. వైద్య ఆరోగ్యశాఖ లెక్కల ప్రకారం, గడిచిన నాలుగేళ్లలో జనన రేటు పరిశీలిస్తే ఏటా తగ్గుతూ వస్తోంది. ప్రతి 1,000 మంది బాలురకు ఏ ఒక్క మండలంలో కూడా బాలికల సంఖ్య 895కు మించకపోవడం ఆందోళనకరం. ఆడపిల్ల అంటేనే కొందరు తల్లిదండ్రులు నిరాసక్తత చూపడం ఈ వివక్షకు నిదర్శనం. దీనిపై అధికారులు దృష్టి సారించాలి. దీనిపై మీ కామెంట్.
News October 12, 2025
నీటి హక్కుల విషయంలో రాజీలేదు: ఉత్తమ్
TG: బనకచర్ల ప్రాజెక్ట్ DPR పరిశీలిస్తున్నామని కేంద్రం లేఖ రాసినా రాష్ట్ర ప్రభుత్వంలో చలనం లేదన్న మాజీమంత్రి <<17976308>>హరీశ్<<>> రావు విమర్శలను మంత్రి ఉత్తమ్ కుమార్‌రెడ్డి ఖండించారు. ‘హరీశ్‌రావు అబద్ధాలు చెప్పి ప్రజా ప్రభుత్వాన్ని బద్నాం చేయాలని చూస్తున్నారు. నీటి హక్కుల విషయంలో రాజీపడేది లేదు. KCR హయాంలోనే రాష్ట్రానికి అన్యాయం జరిగింది. తుమ్మిడిహట్టికి DPR రూపొందించి బ్యారేజ్ నిర్మిస్తాం’ అని తెలిపారు.
News October 12, 2025
వృద్ధురాలి దోపిడీ ఘటనలో మనవడే సూత్రధారి: ఏసీపీ
అగనంపూడిలో వృద్ధురాలిని కత్తితో బెదిరించి దోపిడీ చేసిన ఘటనలో మనవడే సూత్రధారి అని ఏసీపీ నర్సింహమూర్తి పోలీసులు తెలిపారు. సురేశ్ తన స్నేహితుడు సుమంత్‌తో కలిసి అన్నెమ్మను బెదిరించి 5తులాల బంగారు గాజులు దోచుకుపోయారు. బాధితురాలి ఫిర్యాదుతో సుమంత్‌ను అదుపులోకి తీసుకొని విచారించగా సురేశ్ సహకారంతోనే దోపిడీకి పాల్పడినట్లు చెప్పాడు. ఇద్దరినీ అరెస్ట్ చేసి రిమాండ్‌కు తరలించామని సీఐ వివరించారు.