News January 30, 2025
KMR: ఏసీబీకి పట్టుబడుతున్నా మారని తీరు!
KMR జిల్లాలో కొందరు ప్రభుత్వ ఉద్యోగులు లంచావతారం ఎత్తుతున్నారు. అభాగ్యులను లంచాల రూపంలో దోచుకుంటున్నారు. నవంబర్ 14 న స్టేషన్ బెయిల్ కోసం బాధితుడి నుంచి లంచం తీసుకుంటుండగా రైటర్ తోట రామస్వామితో పాటు SI అరుణ్‌ను ఏసీబీ అధికారులు పట్టుకున్నారు. తాజాగా SI సుధాకర్ పట్టుబడ్డారు. జిల్లాలో రెండు నెలల వ్యవధిలోనే ఇద్దరు SIలు, ఓ రైటర్ ఏసీబీకి చిక్కారు. వారిద్దరూ ఒకే స్టేషన్‌కు చెందినవారు కావడం విశేషం.
Similar News
News January 31, 2025
చంద్రుడి వెనక ఉన్న పర్వతాలపై కొత్త విశ్లేషణలు
చంద్రునిపై స్థిర నివాసానికి జ‌రుగుతున్న అధ్య‌య‌నాల్లో తాజా విశ్లేషణలు కొత్త‌దారులు చూపుతున్నాయి. చంద్రుని వెనుకవైపు ఉన్న చిన్న పర్వత ప్రాంతాలు (Mare Ridges), ముందువైపు ఉన్న‌వాటికంటే పిన్న‌వ‌య‌స్సు క‌లిగిన‌వ‌ని శాస్త్ర‌వేత్త‌లు భావిస్తున్నారు. Moonquakes వల్ల ఏర్పడే ఈ రిడ్జ్‌లు ఉన్న ప్రాంతాల్లో భూగర్భ వనరులు, ముఖ్యంగా నీటి వనరులు ఉండే అవకాశం ఉందని, ఇవి మానవ నివాసాలకు ఉపయోగపడతాయని భావిస్తున్నారు.
News January 31, 2025
పిట్లం: పాము కాటుతో వృద్ధుడి మృతి..
పిట్లం మండలం బుర్నాపూర్ గ్రామానికి చెందిన వృద్ధుడు ఒర్రె మొగులయ్య (80) పాముకు కాటుకు గురై ప్రాణాలు వదిలారు. స్థానికుల వివరాలిలా..ఒర్రె మొగులయ్య బుధవారం రాత్రి ఇంట్లో పడుకున్నాడు. అదే సమయంలో పాము కాటు వేసింది. వెంటనే చికిత్స నిమిత్తం పిట్లం ప్రభుత్వ ఆసుపత్రికి తరలించారు. పరిస్థితి విషమించడంతో మెరుగైన చికిత్స కోసం నిజామాబాద్ ఆసుపత్రికి తరలించారు. అక్కడ చికిత్స పొందుతూ ఇవాళ ప్రాణాలు వదిలారు.
News January 31, 2025
కామారెడ్డి: వచ్చే నెల 1 న జాబ్ మేళా
కామారెడ్డి జిల్లా ఉపాధి కల్పనాధికారి కార్యాలయంలో వచ్చే నెల 1న జాబ్ మేళా నిర్వహించనున్నట్లు జిల్లా ఉపాధి కల్పనాధికారి మధు సూధన్ రావు గురువారం ఓ ప్రకటనలో తెలిపారు. కామారెడ్డిలోని ప్రముఖ ప్రైవేట్ సంస్థల్లో ఉద్యోగాలు ఖాళీగా ఉన్నాయని, SSC ఆపై చదివిన 18 నుంచి 30 ఏళ్ల లోపు వారు అర్హులని పేర్కొన్నారు. ఆసక్తి గలవారు శనివారం ఉదయం 10 గంటల నుంచి మధ్యాహ్నం 2 గంటల వరకు సర్టిఫికెట్లతో హాజరు కావాలన్నారు.