News March 20, 2024
KNL: 9 మంది వాలంటీర్లపై వేటు…
కర్నూలు జిల్లా కలెక్టర్ కమ్ జిల్లా ఎన్నికల అధికారిణి డాక్టర్ జి.సృజన ఆదేశాల మేరకు ఎన్నికల ప్రచారంలో పాల్గొన్న 9మంది వాలంటీర్లపై అధికారులు కొరడా ఝులిపించారు. గోనెగండ్ల మండలం వేముగోడుకు చెందిన ఏడుగురు, కర్నూలుకు చెందిన ఇద్దరు వాలంటీర్లపై వేటు పడింది. ఈ మేరకు సంబంధిత వాలంటీర్లను విధుల నుంచి తొలగిస్తూ ఉత్తర్వులు జారీ చేశారు. కాగా ఎలక్షన్ కమిషన్ వాలంటీర్లపై ఆంక్షలు విధించిన విషయం తెలిసిందే.
Similar News
News April 3, 2025
నేడు కర్నూలుకు వైఎస్‌ జగన్‌
వైసీపీ అధినేత, మాజీ సీఎం వైఎస్‌ జగన్‌ నేడు కర్నూలుకు రానున్నారు. ఉ.9.30 గంటలకు తాడేపల్లి నుంచి హెలికాప్టర్‌లో బయలుదేరి 11.30 గంటలకు కర్నూలుకు చేరుకుంటారు. అనంతరం నగర శివారులోని జీఆర్‌సీ కన్వెన్షన్‌ సెంటర్‌లో వైసీపీ నేత కోట్ల హర్షవర్దన్‌ రెడ్డి కుమార్తె వివాహ వేడుకలో పాల్గొంటారు. వధూవరులను ఆశీర్వదించిన తర్వాత జిల్లా నేతలతో సమావేశం కానున్నారు. మ.12.50 గంటలకు తాడేపల్లికి తిరుగుపయనం అవుతారు.
News April 3, 2025
సుంకేసుల డ్యామ్ ఘటన.. మృతులు వీరే!
కర్నూలు జిల్లా సుంకేసుల డ్యామ్ వద్ద నిన్న విషాద ఘటన జరిగిన విషయం తెలిసిందే. నగరానికి చెందిన సులేమాన్‌ (47) తన కుమార్తెకు పదో తరగతి పరీక్షలు ముగియడంతో కుటుంబ సభ్యులతో కలిసి డ్యామ్ వద్దకు వెళ్లారు. తన కుమారులు ఫర్హాన్‌ (13), ఫైజాన్‌ (9)తో కలిసి ఈత కొట్టేందుకు నదిలోకి దిగారు. లోతు ఎక్కువగా ఉండటంతో గల్లంతయ్యారు. కాసేపటి తర్వాత మృతదేహాలు బయటపడ్డాయి. ఘటనపై గూడూరు పోలీసులు కేసు నమోదు చేశారు.
News April 3, 2025
కర్నూలు-విజ‌య‌వాడ విమాన స‌ర్వీసులపై చ‌ర్చ
కర్నూలు నుంచి విజ‌య‌వాడ‌కు విమాన స‌ర్వీసులు ప్రారంభించాల‌ని పౌర విమానయాన శాఖ మంత్రి రామ్మోహన్ నాయుడును కోరిన‌ట్లు ప‌రిశ్ర‌మ‌ల శాఖ మంత్రి టీజీ భరత్ తెలిపారు. ఢిల్లీలో కేంద్ర మంత్రిని కలిసి ఈ మేరకు చ‌ర్చించిన‌ట్లు ఆయన పేర్కొన్నారు. ఈ విషయంపై సంబంధిత అధికారులతో సంప్రదింపులు జరుపుతున్నట్లు కేంద్ర మంత్రి చెప్పార‌ని భరత్ తెలిపారు.