News March 22, 2024
KNR: గురుకులాల్లో మిగులు సీట్ల భర్తీకి ఆహ్వానం

తెలంగాణ సాంఘిక సంక్షేమ గురుకుల విద్యాలయాల్లో మిగులు సీట్ల భర్తీకి ఈనెల 23 చివరి తేదీ అని జిల్లా ప్రాంతీయ సమన్వయ అధికారి తెలిపారు. 2024-25 విద్యా సంవత్సరానికి 6, 7, 8, 9వ తరగతుల్లో మిగులు సీట్లు ఉన్నాయన్నారు. ఆసక్తి ఉండి ఇంకా దరఖాస్తు చేయని ఉమ్మడి కరీంనగర్ విద్యార్థులు వెంటనే నిర్దేశిత వెబ్సైట్ www.tswreis.ac.inలో వివరాలు నమోదు చేసుకోవాలని పేర్కొన్నారు.
Similar News
News November 30, 2025
KNR: ‘ప్రీ-మెట్రిక్ స్కాలర్షిప్కు అప్లై చేసుకోండి’

జిల్లాలోని ప్రభుత్వ పాఠశాలల్లో చదువుతున్న ఎస్టీ విద్యార్థులకు ప్రీ-మెట్రిక్ స్కాలర్షిప్ల కోసం దరఖాస్తులు ఆహ్వానిస్తున్నట్లు గిరిజన అభివృద్ధి అధికారిణి కే.సంగీత తెలిపారు. 5 నుంచి 10వ తరగతి విద్యార్థులు డిసెంబర్ 31లోగా e-passలో రిజిస్ట్రేషన్ చేసుకోవాలన్నారు. సంబంధిత హెచ్ఎంలు రిజిస్ట్రేషన్ పత్రాలను అప్లోడ్ చేయాలని ఆమె సూచించారు.
News November 30, 2025
కరీంనగర్: సాఫ్ట్వేర్ ఉద్యోగం వదిలి సర్పంచ్ బరిలో!

లక్షల జీతం వదులుకుని సాఫ్ట్వేర్ ఉద్యోగిని మల్యాల జాహ్నవి సర్పంచ్ బరిలో నిలిచారు. కరీంనగర్ జిల్లా నాగులమల్యాల గ్రామానికి చెందిన ఆమె.. గ్రామ సమస్యలే తనను ప్రజాసేవ వైపు నడిపించాయని తెలిపారు. శుక్రవారం నామినేషన్ దాఖలు చేసిన ఆమె, గ్రామాన్ని అభివృద్ధి చేస్తానని హామీ ఇచ్చారు. యువతి సాహసం స్థానికులను ఆకట్టుకుంది.
News November 30, 2025
చొప్పదండి విద్యార్థికి అరుదైన గౌరవం

చొప్పదండి జడ్పీహెచ్ఎస్ విద్యార్థి టి.తరుణ్ కుమార్ జాతీయస్థాయి నెట్ బాల్ పోటీలకు ఎంపికయ్యారు. అండర్-17 విభాగంలో డిసెంబర్ 8 నుంచి రాజస్థాన్లో జరిగే ఎస్జీఎఫ్ పోటీల్లో తెలంగాణ రాష్ట్ర జట్టు తరఫున తరుణ్ పాల్గొంటాడు. విద్యార్థి ప్రతిభను డీఈఓ మొండయ్య అభినందించి, జాతీయ స్థాయిలోనూ రాణించాలని సూచించారు.


