News December 29, 2025
KNR: కమిషనరేట్ విభాగాలను తనిఖీ చేసిన సీపీ
కరీంనగర్ పోలీస్ కమిషనరేట్లోని పలు విభాగాలను సీపీ గౌస్ ఆలం సోమవారం ఆకస్మికంగా తనిఖీ చేశారు. అడ్మిన్, మోటార్ ట్రాన్స్పోర్ట్, ఆయుధశాల, డాగ్ స్క్వాడ్, బాంబ్ డిస్పోజల్ బృందాల పని తీరును పరిశీలించారు. రికార్డులను క్షుణ్ణంగా తనిఖీ చేసిన ఆయన.. విధుల్లో అలసత్వం వహించవద్దని, క్రమశిక్షణతో పని చేయాలని అధికారులను ఆదేశించారు. ప్రభుత్వ ఆస్తులను బాధ్యతాయుతంగా కాపాడాలని సూచించారు.
Similar News
News December 29, 2025
కరీంగనర్ జిల్లాలో 4 మున్సిపాలిటీలు.. వివరాలివే!
జిల్లాలోని మున్సిపాలిటీలకు సంబంధించిన వార్డు, జనాభా వివరాలను అధికారులు విడుదల చేశారు. 2011 జనగణన ప్రకారం కరీంనగర్ మున్సిపాలిటీ పరిధిలో 66 వార్డులు, 328870 మంది జనాభా, ST-5999, SC-36902 మంది ఉన్నారు. కాగా, చొప్పదండిలో 14 వార్డులు, 16459 మంది జనాభా కాగా.. ST 205, ఎస్సీ 3062, హుజురాబాద్లో 30 వార్డులు, 34555 జనాభా, ST-309, SC-6326, జమ్మికుంటలో 30 వార్డులు, 39476 జనాభా ST 286, SC 7623గా ఉంది.
News December 29, 2025
KNR: జనవరి 10న మున్సిపల్ తుది ఓటర్ జాబితా
రాష్ట్రంలోని మున్సిపాలిటీలు, కార్పొరేషన్లలో వార్డుల వారీగా ఓటర్ల జాబితాల తయారీకి రాష్ట్ర ఎన్నికల కమిషన్ షెడ్యూల్ విడుదల చేసింది. 2026 జనవరి 10న తుది జాబితాను ప్రకటించనున్నట్లు కమిషనర్ వెల్లడించారు. పోలింగ్ కేంద్రాల వారీగా ఓటర్ల వివరాలను క్రోడీకరించి, పారదర్శకంగా జాబితాను రూపొందించాలని అధికారులను ఆదేశించారు. రాజకీయ పార్టీల సూచనలు, ప్రజల అభ్యంతరాలను పరిగణనలోకి తీసుకుని ప్రక్రియ పూర్తి చేయనున్నారు.
News December 29, 2025
KNR: జిల్లాలో యూరియా నిల్వలు పుష్కలం: కలెక్టర్
కరీంనగర్ జిల్లాలో యూరియా కొరత లేదని, రైతులు ఆందోళన చెందవద్దని కలెక్టర్ పమేలా సత్పతి తెలిపారు. ప్రస్తుతం 4,246 మెట్రిక్ టన్నుల నిల్వలు అందుబాటులో ఉన్నాయని, అవసరానికి మించి కొనుగోలు చేయవద్దని కోరారు. విక్రయ కేంద్రాల వద్ద తాగునీరు, నీడ సౌకర్యాలు కల్పించాలని అధికారులను ఆదేశించారు. అక్రమ నిల్వలు సృష్టించినా, అధిక ధరలకు విక్రయించినా కఠిన చర్యలు తీసుకుంటామని ఆమె హెచ్చరించారు.