News July 9, 2024
KNR: డ్రగ్స్ నియంత్రణపై కలెక్టర్ అవగాహన
అధికారులు, ప్రజలు అందరం కలిసి డ్రగ్స్ అనే మహమ్మారిని జిల్లా నుంచి తరిమికొడదామని, డ్రగ్స్ రహిత జిల్లాగా తయారు చేద్దామని కలెక్టర్ పమేలా సత్పతి పిలుపునిచ్చారు. డ్రగ్స్ నియంత్రణపై ఎక్సైజ్‌శాఖ అధికారులతో పాటు వివిధ శాఖల అధికారులతో కలెక్టర్ అవగాహన సమావేశం నిర్వహించారు. యువత డ్రగ్స్, ఇతర వ్యసనాలకు దూరంగా ఉండాలని సూచించారు. వ్యసనాల బారిన పడి యువత ఉజ్వల భవిష్యత్తును నాశనం చేసుకోవద్దని కోరారు.
Similar News
News October 14, 2024
జగిత్యాల డిప్యూటీ పారెస్ట్ రేంజ్ అధికారి సస్పెండ్
జగిత్యాల డిప్యూటీ పారెస్ట్ రేంజ్ అధికారి అరుణ్ కుమార్‌ను అధికారులు సస్పెండ్ చేశారు. ఈ నెల 11న అటవీ శాఖ కార్యాలయంలో దావత్ నిర్వహించి ఆయన.. సిబ్బందితో కలిసి మద్యం తాగినట్లు అధికారులు తెలిపారు. ఘటనపై విచారణ జరిపి అరుణ్ కుమార్‌ను సస్పెండ్ చేస్తూ నిర్మల్ సర్కిల్ బాసర సీసీఎఫ్ శరవణన్ ఉత్తర్వులు జారీ చేశారు.
News October 14, 2024
కొండగట్టుకు వాహన పూజలతో రూ.3,37,900 ఆదాయం
మల్యాల మండలంలోని కొండగట్టు ఆంజనేయ స్వామి దేవస్థానంలో దేవీ నవరాత్రోత్సవాల (దసరా) సందర్భంగా గతేడాది వాహన పూజల ద్వారా 3 రోజులకు రూ.2,67,600 ఆదాయం వచ్చిందని ఆలయ కార్య నిర్వహణాధికారి తెలిపారు. ఈ ఏడాది మూడు రోజులకు రూ.3,37,900ల ఆదాయం సమకూరిందని, ఈ సంవత్సరం వాహన పూజల ద్వారా రూ.70,300లు అదనంగా సమకూరిందని తెలిపారు.
News October 14, 2024
ఉజ్బెకిస్థాన్‌లో హుజురాబాద్ అధ్యాపకుడి ప్రసంగం
ఉజ్బెకిస్థాన్‌ దేశంలోని తాష్కెంట్ అల్ఫ్రాగానస్ యూనివర్సిటీలో శనివారం జరిగిన యునెస్కో ఆసియా పసిఫిక్ వ్యవస్థాపక విద్యాసదస్సులో హుజురాబాద్ ప్రభుత్వ డిగ్రీ కళాశాల అధ్యాపకులు డా.మల్లారెడ్డి భారతదేశం తరఫున పాల్గొని ప్రసంగించారు. 21వ శతాబ్దంలో యువత ఎదుర్కొంటున్న సంక్లిష్ట సవాళ్లను అధిగమించే విద్యావిధానాల గురించి వివరించారు. కార్యక్రమంలో 40 దేశాల నుంచి 200 ప్రతినిధులు పాల్గొన్నారు.