News January 27, 2025
KNR: శిశు సంక్షేమ శాఖ ఆధ్వర్యంలో మహిళలకు 59 రకాల పరీక్షలు: కలెక్టర్
మహిళాభివృద్ధి శిశు సంక్షేమ శాఖ ఆధ్వర్యంలో జిల్లాలోని అన్ని అంగన్వాడీ కేంద్రాల పరిధిలో శుక్రవారం సభ నిర్వహిస్తున్నామని కలెక్టర్ పమేలా సత్పతి తెలిపారు. మహిళల ఆరోగ్యం, పోషకాహార స్థితిని మెరుగుపరిచేందుకు, సామాజిక సమస్యలు పరిష్కరించేందుకు ఈసభ తోడ్పాటునిస్తుందన్నారు. జిల్లాలో ఆరోగ్య మహిళా కార్యక్రమం ద్వారా మహిళలకు రూ.50వేల విలువైన చేసే 59రకాల వైద్యపరీక్షలను ఉచితంగా చేయిస్తున్నామన్నారు.
Similar News
News January 29, 2025
కరీంనగర్ కలెక్టర్ కీలక ఆదేశాలు
ఎల్.ఆర్.ఎస్ 2020 పెండింగ్ దరఖాస్తుల ప్రక్రియను వేగవంతం చేసి వారం రోజుల్లోగా పూర్తి చేయాలని జిల్లా కలెక్టర్ పమేలా సత్పతి అధికారులను ఆదేశించారు. పెండింగ్ దరఖాస్తులపై ఇరిగేషన్, పంచాయతీ, రెవెన్యూ అధికారులతో మంగళవారం సమీక్ష నిర్వహించారు. దరఖాస్తులు ఎక్కువగా ఉన్న గ్రామాల్లో అదనపు సిబ్బందిని కేటాయిస్తామని తెలిపారు. ఎంపీఓలు, ఆర్ఐలు, పంచాయతీ కార్యదర్శులు, అసిస్టెంట్ ఇంజనీర్లు సమన్వయంతో పని చేయాలన్నారు.
News January 29, 2025
కరీంనగర్‌లో రాష్ట్రస్థాయి పోలీస్ క్రీడా పోటీలు ప్రారంభం
కరీంనగర్‌లో జరుగుతున్న రాష్ట్రస్థాయి పోలీస్ క్రీడోత్సవాల్లో భాగంగా మంగళవారం క్రీడా పతాకాన్ని ఆవిష్కరించి ఇంటెలిజెన్స్ డిజి శివధర్ రెడ్డి పోటీలను ప్రారంభించారు. ఏడేళ్ల అనంతరం జరుగుతున్న మూడో రాష్ట్ర స్థాయి పోలీస్ గేమ్స్ అండ్ స్పోర్ట్స్ మీట్లో ఆయన పాల్గొని ప్రసంగించారు. పోలీస్ ఉద్యోగం అంటేనే ఎంతో ఒత్తిడితో కూడిన ఉద్యోగం అని, ఇలాంటి పోటీల్లో ఉపశమనం కలుగుతుందన్నారు.
News January 28, 2025
సదరం క్యాంపు తేదీల ప్రకటన
కరీంనగర్ ప్రభుత్వ ఆసుపత్రిలో నిర్వహించే సదరం శిబిరం తేదీలను ఆసుపత్రి వర్గాలు ప్రకటించాయి. ఆర్థోకి సంబంధించిన వారు ఫిబ్రవరి 3, 4 & మార్చి 4, మానసిక రోగులు ఫిబ్రవరి 6 & మార్చి11, కంటి చూపు ఫిబ్రవరి 10 & మార్చి 18న, చెవిటి మూగవారికి ఫిబ్రవరి 13 & మార్చి 24 తేదీలలో క్యాంపు నిర్వహిస్తున్నట్లు తెలిపారు. మీసేవ కేంద్రాలలో స్లాట్ బుక్ చేసుకొని నిర్ధారించిన తేదీలో రసీదు ఆధార్ కార్డు వెంట తీసుకురావాలన్నారు.