News May 20, 2024
కోహ్లీ.. ఈసారి నువ్వు కప్పు కొట్టాలి: ధోనీ!
RCBతో మ్యాచ్ ఓటమి అనంతరం తీవ్ర నిరాశకు గురైన CSK లెజండరీ క్రికెటర్ ధోనీ.. షేక్ హ్యాండ్స్ ఇవ్వకుండానే మైదానం వీడిన సంగతి తెలిసిందే. అయితే.. ధోనీని కలిసేందుకు కోహ్లీ అతడి డ్రెస్సింగ్ రూమ్‌కు వెళ్లారు. కాగా.. ‘ఈసారి నువ్వు ఫైనల్‌కు వెళ్లాలి. టైటిల్ కొట్టాలి. గుడ్ లక్’ అని విష్ చేశారట. దీంతో క్రికెట్లో మహిరాట్(మహేంద్ర సింగ్ ధోనీ, విరాట్ ఫ్రెండ్షిప్)ను మించిన ఎమోషన్ మరొకటి లేదని ఫ్యాన్స్ అంటున్నారు.
Similar News
News December 24, 2024
యశస్వీ జైస్వాల్ ఆ తప్పు చేస్తున్నారు: పుజారా
భారత ఓపెనర్ యశస్వీ జైస్వాల్ క్రీజులో ఫాస్ట్‌గా ఆడాలని కంగారు పడుతున్నారని క్రికెటర్ పుజారా అభిప్రాయపడ్డారు. తొలి 15 పరుగులు వేగంగా చేయాలనుకుని తప్పు చేస్తున్నారని పేర్కొన్నారు. ‘టెస్టుల్లో వీరేంద్ర సెహ్వాగ్ వంటి దూకుడైన ఆటగాడు సైతం బంతి తన జోన్‌లో ఉన్నప్పుడే బలంగా బాదుతారు. కానీ జైస్వాల్ అనవసరమైన షాట్స్ ఆడుతున్నారు. బంతిని వద్దకు రానివ్వాలి. క్రీజులో ఎక్కువ సేపు నిలబడాలి’ అని సూచించారు.
News December 24, 2024
‘పుష్ప 2’ తొక్కిసలాట ఘటన.. ఏ-18గా మైత్రీ మూవీ మేకర్స్
‘పుష్ప 2’ ప్రీమియర్ షో తొక్కిసలాట ఘటనకు సంబంధించి పోలీసులు మైత్రీ మూవీ మేకర్స్‌ను ఏ-18గా చేర్చారు. ఇప్పటికే హీరో అల్లు అర్జున్‌ను ఏ-11గా చేర్చిన విషయం తెలిసిందే. ఈ కేసులో సంధ్య థియేటర్ యాజమాన్యం, మేనేజర్, సెక్యూరిటీ సిబ్బంది, ఫ్లోర్ ఇన్‌ఛార్జి, అల్లు అర్జున్ బౌన్సర్లను నిందితులుగా చేర్చారు. ఈ కేసులో అల్లు అర్జున్‌తోపాటు సంధ్య థియేటర్ యాజమాన్యం కూడా జైలుకు వెళ్లిన సంగతి తెలిసిందే.
News December 24, 2024
ముగిసిన శ్యామ్ బెనగల్ అంత్యక్రియలు
సినీ దర్శకుడు శ్యామ్ బెనగల్ అంత్యక్రియలు ముగిశాయి. ముంబైలోని శివాజీ పార్కులో రాష్ట్ర ప్రభుత్వ లాంఛనాలతో అంతిమ సంస్కారాలను పూర్తి చేశారు. ఆయన కుటుంబీకులు, సినీరంగ ప్రముఖులు కార్యక్రమానికి హాజరయ్యారు. ఇక సెలవంటూ అశ్రునయనాలతో నివాళులర్పించారు. ఆయన రూపొందించిన కళాఖండాల్ని ఈ సందర్భంగా గుర్తుచేసుకున్నారు. మూత్ర పిండాల సమస్యతో శ్యామ్ సోమవారం కన్నుమూసిన సంగతి తెలిసిందే.