News September 3, 2024
కృష్ణా నదికి మళ్లీ వరద?
AP: రాబోయే 2, 3 రోజుల్లో కృష్ణా నదికి వరద ప్రవాహం మళ్లీ పెరిగే అవకాశముందని నిపుణులు చెబుతున్నారు. ఓవైపు ద్రోణి ప్రభావంతో కర్ణాటక, మహారాష్ట్రలో వర్షాలు కురుస్తుండగా, మరోవైపు కృష్ణా పరీవాహక ప్రాంతంలోని ప్రాజెక్టులన్నీ నిండిపోయాయి. దీంతో వచ్చిన నీటిని వచ్చినట్లు దిగువకు విడుదల చేయాల్సిన పరిస్థితి ఏర్పడింది. ఈ నేపథ్యంలో శ్రీశైలం, నాగార్జునసాగర్, పులిచింతలకు వరద పెరగొచ్చని అంచనా వేస్తున్నారు.
Similar News
News August 5, 2025
స్వదేశానికి బయల్దేరిన భారత ఆటగాళ్లు
ఇంగ్లండ్‌తో టెస్ట్ సిరీస్‌ను భారత్ నిన్న గెలుపుతో సమం చేసిన విషయం తెలిసిందే. ఈ క్రమంలో పలువురు ఆటగాళ్లు స్వదేశానికి తిరిగొస్తున్నారు. అర్ష్‌దీప్ సింగ్, శార్దూల్ ఠాకూర్ విమానంలో ప్రయాణిస్తున్న ఫొటోలను అభిమానులు సోషల్ మీడియాలో షేర్ చేస్తున్నారు. కాగా చివరి టెస్టులో భారత్ ఉత్కంఠ విజయం సాధించిన విషయం తెలిసిందే. చివరి రోజు 35 పరుగులు చేయకుండా ప్రత్యర్థులను అడ్డుకుని చిరస్మరణీయ విజయం సాధించింది.
News August 5, 2025
‘సీతారామం’ విడుదలకు మూడేళ్లు.. నిర్మాత స్పెషల్ మెసేజ్
మలయాళ స్టార్ హీరో దుల్కర్ సల్మాన్, మృణాల్ ఠాకూర్ జంటగా నటించిన వింటేజ్ లవ్ స్టోరీ ‘సీతారామం’ విడుదలై నేటికి మూడేళ్లు పూర్తవుతోంది. ఈ సందర్భంగా నిర్మాత స్వప్న దత్ ₹100 కోట్ల కలెక్షన్లు సాధించినట్లు ఓ స్పెషల్ పోస్టర్‌ను ఇన్‌స్టాలో షేర్ చేశారు. ‘ఈ సినిమా ₹100 కోట్లను చేరుకుంటుందని ఈ పోస్టర్ రూపొందించాం. కానీ రూ.97కోట్ల వద్దే ఆగిపోయింది. నంబర్‌తో సంబంధం లేదని మూడేళ్లకు గ్రహించాం’ అని పోస్ట్ చేశారు.
News August 5, 2025
‘కాళేశ్వరం’పై చర్చ.. ఈ నెలలోనే అసెంబ్లీ సెషన్!
TG: కాళేశ్వరంపై ఘోష్ కమిషన్ ఇచ్చిన నివేదికపై పూర్తిస్థాయిలో చర్చించేందుకు రాష్ట్ర ప్రభుత్వం సిద్ధమవుతోంది. ముందుగా MLAలు, MLCలకు రిపోర్టును వివరించి అసెంబ్లీలో చర్చ పెట్టనున్నట్లు తెలిసింది. ఇందుకోసం ఈనెల మూడో వారంలో ప్రత్యేక సెషన్ నిర్వహించేందుకు క్యాబినెట్లో చర్చించినట్లు సమాచారం. అసెంబ్లీలో చర్చించాక మండలాల వారీగా MLAలు మీటింగ్స్ పెట్టి ‘కాళేశ్వరం’ నివేదికపై వివరించనున్నట్లు తెలుస్తోంది.