News November 25, 2024
గాలి నాణ్యతను బట్టి భూమి ధరను నిర్ధారించాలి: జెరోధా సీఈవో
కాలుష్యాన్ని తగ్గించాలంటే గాలి&నీటి నాణ్యతను బట్టి ఆ ప్రాంత భూమి ధరను నిర్ణయించేలా రూల్ తేవాలని జెరోధా CEO నితిన్ అభిప్రాయపడ్డారు. ‘ఇలా చేస్తే అక్కడున్న యజమానులంతా గ్రూప్‌గా మారి పర్యావరణంపై దృష్టి పెడతారు. నా అనే ఇల్లు గురించి ఆలోచిస్తేనే మన లేఅవుట్‌ పరిస్థితులు మారతాయి. AQIలో ఢిల్లీపైనే అందరూ దృష్టిసారించినా ముంబై, చెన్నై, బెంగళూరు తదితర ప్రాంతాల్లోనూ గాలి నాణ్యత పడిపోయింది’ అని ట్వీట్ చేశారు.
Similar News
News November 25, 2024
28న ఓటీటీలోకి ‘లక్కీ భాస్కర్’
వెంకీ అట్లూరి డైరెక్షన్‌లో దుల్కర్ సల్మాన్-మీనాక్షి చౌదరి నటించిన ‘లక్కీ భాస్కర్’ మూవీ ఓటీటీలోకి రానుంది. ఈ నెల 28 నుంచి తెలుగు, తమిళం, మలయాళం, కన్నడ, హిందీ భాషల్లో స్ట్రీమింగ్ చేయనున్నట్లు నెట్‌ఫ్లిక్స్‌ వెల్లడించింది. గత నెల 31న విడుదలైన ఈ సినిమా రూ.100 కోట్లకుపైగా కలెక్షన్లు సాధించి సూపర్‌హిట్‌గా నిలిచిన విషయం తెలిసిందే.
News November 25, 2024
అదానీ అంశంపై రచ్చ: బుధవారానికి వాయిదాపడ్డ పార్లమెంటు
పార్లమెంటు ఉభయసభలు బుధవారానికి వాయిదా పడ్డాయి. లోక్‌సభ, రాజ్యసభ ఆరంభమైన కాసేపటికే ఇండియా కూటమి సభ్యులు ఆందోళనకు దిగారు. గౌతమ్ అదానీపై న్యూయార్క్ కోర్టులో అభియోగాల నమోదుపై చర్చించాలని పట్టుబట్టారు. JPC వేయాలని డిమాండ్ చేశారు. పరిస్థితి సద్దుమణగక పోవడంతో లోక్‌సభ స్పీకర్ ఓంబిర్లా, రాజ్యసభ ఛైర్మన్ జగదీప్ ధన్‌ఖడ్ సభలను వాయిదా వేశారు.
News November 25, 2024
కోయంబత్తూరులో RGV?
డైరెక్టర్ RGV కోయంబత్తూ‌రు (TN)లో ఉన్నట్లు తెలుస్తోంది. ప్రకాశం జిల్లా పోలీసుల విచారణకు వెళ్లకపోవడంతో వారు HYDలోని ఇంటికొచ్చారు. కాగా, ఆర్జీవీ నిన్న హీరో మోహన్ లాల్‌‌‌ను కలిసిన ఫొటో ‘X’లో పోస్ట్ చేయడంతో ఆయన షూటింగ్ కోసం వెళ్లినట్లు తెలుస్తోంది. పోలీసులు ఇంటికి రావడంపై RGV అడ్వకేట్ మండిపడ్డారు. డిజిటల్ విచారణకు సిద్ధంగా ఉన్నామని చెప్పినా పోలీసులు వ్యవహరిస్తున్న తీరు సరికాదన్నారు.