News October 26, 2024
టీచర్ల బదిలీలకు చట్టం.. మున్సిపల్ టీచర్ల పదోన్నతులకు ఓకే!
AP: టీచర్ల బదిలీలు, పదోన్నతులపై ఉపాధ్యాయ సంఘాలతో భేటీలో పాఠశాల విద్యాశాఖ కీలక నిర్ణయాలు తీసుకుంది. టీచర్ల బదిలీలకు చట్టం రూపొందించాలని నిర్ణయించింది. ప్రభుత్వ ఆదేశాలతో సంబంధం లేకుండా చట్ట ప్రకారం ట్రాన్స్‌ఫర్లు జరిగేలా చూడాలని భావిస్తోంది. విధివిధానాల ఖరారుపై ప్రభుత్వ స్థాయిలో నిర్ణయం జరిగాక DECలో చట్టం అమల్లోకి తేవాలని చూస్తోంది. ఇటు మున్సిపల్ టీచర్ల బదిలీలు, పదోన్నతులకు సైతం అంగీకారం తెలిపింది.
Similar News
News November 30, 2025
ఈ కలుపు మందులతో వయ్యారిభామ నిర్మూలన
వయ్యారిభామ నిర్మూలనకు పంట మొలకెత్తక ముందు అట్రాజిన్ రసాయన మందును లీటర్ నీటికి నాలుగు గ్రాములు కలిపి పిచికారీ చేయాలి. పంట మొలకెత్తిన 15 నుంచి 20 రోజులకు.. లీటరు నీటికి 2 గ్రాముల 2,4-డి సోడియం సాల్ట్ కలిపి పిచికారీ చేయాలి. బంజరు భూముల్లో లీటరు నీటికి 5 గ్రాముల అట్రాజిన్ మందు కలిపి పిచికారీ చేసి వయ్యారిభామను నివారించవచ్చు. కలుపు నివారణ మందులను పిచికారీ చేసేటప్పుడు పక్క పంటలపై పడకుండా జాగ్రత్తపడాలి.
News November 30, 2025
కల్తీ నెయ్యి కేసు.. మరో 12 మంది నిందితులు
AP: కల్తీ నెయ్యి కేసులో మరో 12 మంది అధికారులను నిందితులుగా చేర్చుతూ సిట్ నెల్లూరు ఏసీబీ కోర్టులో మెమో దాఖలు చేసింది. ఈ విషయం ఆలస్యంగా వెలుగులోకి వచ్చింది. వారిలో టీటీడీ ప్రొక్యూర్‌మెంట్ విభాగం మాజీ జీఎం సుబ్రహ్మణ్యం ఇప్పటికే అరెస్టయ్యారు. మిగతా వారిలో ఆరుగురు టీటీడీ అధికారులు, ఐదుగురు డెయిరీ నిపుణులున్నారు. ప్లాంట్లు తనిఖీ చేయకుండానే లంచాలు తీసుకుని అనుకూల నివేదికలు ఇచ్చారని సిట్ ఆరోపించింది.
News November 30, 2025
సారీ చెప్పడం నేర్పిస్తున్నారా?
సారీ అనేది రెండక్షరాలే. కానీ ఎదుటివాళ్ల ఫీలింగ్స్‌కు విలువనివ్వడం, సమస్యను పరిష్కరించే నేర్పు దానికి ఉంది. ఇలా ఉండాలి, అలా ఉండాలి అని ఎన్ని ఉపన్యాసాలు చెప్పినా పిల్లలకు అర్థం కాదు. కానీ పెద్దలు చేసి చూపిస్తేనే నేర్చుకుంటారు. మీ వైపు నుంచి తప్పు జరిగితే నిర్మొహమాటంగా, నిజాయతీగా సారీ అడిగేయండి. వారి తప్పుంటే సారీ చెప్పేలా ప్రోత్సహించండి. అప్పుడే వారికి తప్పును నిరభ్యంతరంగా ఒప్పుకోవడం తెలుస్తుంది.