News May 8, 2024

విహార యాత్రలకు నేతల ప్లాన్!

image

విమర్శలు.. ప్రతి విమర్శలతో 2 నెలలుగా ప్రచారాన్ని హోరెత్తించిన నేతలు టూర్లకు ప్లాన్ చేస్తున్నారు. ఈ నెల 13న ఎన్నికల పోలింగ్ ముగియనుండగా ఫలితాలు వెలువడేందుకు 21 రోజుల సమయం ఉంది. దీంతో ఈ ఖాళీ సమయాన్ని కుటుంబ సభ్యులతో గడిపేందుకు నేతలు ఆసక్తి కనబరుస్తున్నారు. ఆయా పార్టీల అగ్రనేతలు, అభ్యర్థులు అమెరికా, లండన్, వియత్నాం వంటి దేశాల్లో సేద తీరేందుకు ఇప్పటికే ఫ్లైట్ టికెట్లు సైతం బుక్ చేసుకున్నారట.

Similar News

News January 5, 2025

వ్యవసాయ సీట్లకు రేపు స్పాట్ కౌన్సెలింగ్

image

TG: వ్యవసాయ, ఉద్యాన, ఫిషరీస్ డిగ్రీ కోర్సుల్లో ఖాళీ సీట్లకు ఈ నెల 6న స్పాట్ కౌన్సెలింగ్ నిర్వహించనున్నారు. ఆసక్తిగల అభ్యర్థులు HYD రాజేంద్రనగర్‌లోని కాలేజీ ఆడిటోరియంలో కౌన్సెలింగ్ నిర్వహిస్తారు. ఈఏపీసెట్-2024లో ర్యాంకు సాధించి, ఇప్పటికే దరఖాస్తు చేసుకున్న విద్యార్థులు కౌన్సెలింగ్‌కు హాజరుకావొచ్చు. వివరాలకు www.pjtsau.edu.inను చూడండి.

News January 5, 2025

భారత్ ఆలౌట్.. ఆసీస్ టార్గెట్ ఎంతంటే?

image

ఆస్ట్రేలియాతో ఐదో టెస్టు రెండో ఇన్నింగ్స్‌లో భారత్ 157 పరుగులకు ఆలౌటైంది. ఓవర్‌నైట్ స్కోర్ 141/6తో టీమ్ ఇండియా మూడో రోజు ప్రారంభించగా వరుసగా జడేజా(13), సుందర్(12), సిరాజ్(4), బుమ్రా(0) వికెట్లు కోల్పోయింది. ఆసీస్ బౌలర్ బోలాండ్ 6 వికెట్లతో చెలరేగారు. కమిన్స్ 3 వికెట్లు తీశారు. AUS గెలవాలంటే 162 రన్స్ కావాలి.

News January 5, 2025

పింక్ జెర్సీలో టీమ్ ఇండియా

image

క్యాన్సర్ పేషెంట్లకు సంఘీభావంగా సిడ్నీ టెస్టులో భారత ఆటగాళ్లు పింక్ కలర్ డ్రెస్‌లో బరిలోకి దిగారు. ఈ మ్యాచ్‌ తొలిరోజు నుంచే ఆసీస్ ఆటగాళ్లు పింక్ జెర్సీ ధరించి ఆడుతున్నారు. అయితే నిన్నటివరకు బ్లూకలర్ జెర్సీతో ఆడిన భారత ఆటగాళ్లు ఇవాళ పింక్ జెర్సీ ధరించారు. ప్రేక్షకులు కూడా దాదాపు అందరూ ఆ కలర్ దుస్తులే ధరించి రావడంతో స్టేడియమంతా పింక్‌మయమైంది. అటు మూడోరోజు కాసేపటికే జడేజా, సుందర్ ఔట్ అయ్యారు.