News June 20, 2024

రేపు పిడుగులతో తేలికపాటి వర్షాలు

AP: నైరుతి రుతుపవనాలు రాష్ట్రమంతటా విస్తరించాయని రాష్ట్ర విపత్తుల నిర్వహణ సంస్థ తెలిపింది. ఈ ప్రభావంతో పార్వతీపురం మన్యం, అల్లూరి, కాకినాడ, కోనసీమ, తూ.గో, ప.గో, ఏలూరు, కృష్ణా జిల్లాల్లో అక్కడక్కడ పిడుగులతో కూడిన తేలికపాటి వర్షాలు కురిసే అవకాశం ఉందని వివరించింది. ఉరుములతో వర్షం పడేటప్పుడు పొలాల్లో రైతులు, కూలీలు, పశువుల కాపర్లు చెట్లు, పోల్స్, టవర్స్ కింద, బహిరంగ ప్రదేశాల్లో ఉండరాదని సూచించింది.