News August 18, 2024

లోన్ రూ.1.50లక్షలు.. మాఫీ రూ.83!

TG: కరీంనగర్‌ జిల్లా తిమ్మాపూర్‌ మండలం రామకృష్ణ కాలనీ గ్రామానికి చెందిన రైతు వేల్పుల మల్లయ్య SBIలో రూ.1.50లక్షల పంట రుణం తీసుకున్నారు. తాజాగా ఆయనకు రూ.83 మాత్రమే రుణమాఫీ అయినట్టు మొబైల్‌కు మెసేజ్ వచ్చింది. దీంతో షాకైన మల్లయ్య వ్యవసాయ అధికారులను సంప్రదించగా బ్యాంక్ స్టేట్‌మెంట్ తీసుకురావాలని సూచించారు. ఇంతలోనే బ్యాంక్ సమయం ముగియడంతో తనకు న్యాయం చేయాలని ఆ రైతు వేడుకుంటున్నారు.