News August 17, 2024
బంగాళాఖాతంలో అల్పపీడనం.. ఏపీపై ప్రభావం తక్కువే

AP: బంగాళాఖాతంలో ఏర్పడిన అల్పపీడనం 2 రోజుల్లో తీవ్ర అల్పపీడనంగా, ఆ తర్వాత వాయుగుండంగా బలపడనుందని IMD తెలిపింది. దీనికి అనుబంధంగా ఆవర్తనం కొనసాగుతోందని వెల్లడించింది. దీని ప్రభావం బెంగాల్, ఒడిశా, బంగ్లాదేశ్పై ఎక్కువగా ఉంటుందని, APపై అంతగా ఉండదని పేర్కొంది. మరోవైపు అరేబియా సముద్రంలో ఏర్పడిన ఆవర్తనం కారణంగా ఇవాళ రాయలసీమలో అక్కడక్కడా భారీ వర్షం, కోస్తాలో మోస్తరు వానలు కురిసే అవకాశం ఉందని చెప్పింది.
Similar News
News December 1, 2025
తుఫాను లేటెస్ట్ అప్డేట్

దిత్వా తుఫాను తీవ్ర వాయుగుండంగా బలహీనపడిందని, రేపు ఉదయానికి వాయుగుండంగా బలహీనపడనుందని APSDMA పేర్కొంది. రేపు దక్షిణకోస్తా తీరం వెంబడి గంటకు 45-65 కి.మీ. వేగంతో ఈదురుగాలులు వీచే అవకాశం ఉందని విపత్తుల నిర్వహణ సంస్థ ఎండీ ప్రఖర్ జైన్ తెలిపారు. రేపు నెల్లూరు, తిరుపతి జిల్లాల్లో కొన్నిచోట్ల భారీ నుంచి అతిభారీ వర్షాలకు అవకాశం ఉందని, సముద్రం అలజడిగా ఉంటుందని, మత్స్యకారులు వేటకు వెళ్లరాదని సూచించారు.
News December 1, 2025
ఎల్లో అలర్ట్.. కాసేపట్లో వర్షం

TG: ఇవాళ అర్ధరాత్రి ఒంటి గంటలోపు రాష్ట్రంలో పలు జిల్లాల్లో వర్షం కురిసే ఛాన్స్ ఉందని హైదరాబాద్ వాతావరణ కేంద్రం తెలిపింది. జగిత్యాల, కామారెడ్డి, ఆసిఫాబాద్, మహబూబాబాద్, మంచిర్యాల, మెదక్, ములుగు, నిర్మల్, నిజామాబాద్, సిరిసిల్ల, సంగారెడ్డి, వికారాబాద్, వరంగల్ జిల్లాలకు ఎల్లో అలర్ట్ జారీ చేసింది.
News December 1, 2025
ప్రభుత్వ కార్యక్రమాలను ప్రజల్లోకి తీసుకెళ్లాలి: CBN

AP: రేపు నిర్వహించే పింఛను పంపిణీ కార్యక్రమంలో పార్టీ నేతలు, కార్యకర్తలు అందరూ పాల్గొనాలని సీఎం చంద్రబాబు ఆదేశించారు. ప్రభుత్వం చేపడుతున్న కార్యక్రమాలను అందరికీ చేరవేయాలని టెలి కాన్ఫరెన్స్లో సూచించారు. ఉగాది నాటికి మరో 5 లక్షల ఇళ్లను ప్రజలకు అందిస్తామని, ప్రతీ అర్హుడైన పేదవాడికీ సొంత ఇల్లు ఉండాలన్నది ప్రభుత్వ లక్ష్యమని పేర్కొన్నారు. గత పాలకుల విధ్వంసంపై ప్రజల్లో ఇంకా చర్చ జరగాలన్నారు.


