News December 15, 2024
నేడు అల్పపీడనం.. భారీ వర్షాలు!
AP: ఆగ్నేయ బంగాళాఖాతంలో ఇవాళ అల్పపీడనం ఏర్పడనుందని వాతావరణ శాఖ వెల్లడించింది. 2 రోజుల్లో ఇది పశ్చిమ వాయవ్యంగా పయనించి తమిళనాడు తీరం దిశగా రానుందని తెలిపింది. దీని ప్రభావంతో ఈనెల 17, 18 తేదీల్లో కోస్తా, రాయలసీమల్లో విస్తారంగా వర్షాలు కురుస్తాయని పేర్కొంది. నెల్లూరు, తిరుపతి, ప్రకాశం, చిత్తూరు, అన్నమయ్య జిల్లాల్లో భారీ వర్షాలు పడే ఛాన్సుందని అంచనా వేసింది.
Similar News
News February 1, 2026
సీఎం రేవంత్ రెడ్డికి అరుదైన గౌరవం
TG: సీఎం రేవంత్ రెడ్డికి అరుదైన గౌరవం దక్కింది. హార్వర్డ్ కెన్నెడీ స్కూల్లో త్వరలో జరిగే సదస్సుకు ఆహ్వానం అందింది. ఏఐ పాలసీ సదస్సుకు రావాలని కోరింది. ఈ ఆహ్వానానికి ధన్యవాదాలు తెలిపిన సీఎం వర్చువల్గా సదస్సుకు హాజరవుతానని రిప్లై ఇచ్చారు. కాగా ఇటీవల ఆయన హార్వర్డ్ యూనివర్సిటీలోని కెన్నెడీ స్కూల్లో ‘21వ శతాబ్దంలో నాయకత్వం’ కోర్సును పూర్తి చేసి సర్టిఫికెట్ అందుకున్న విషయం తెలిసిందే.
News February 1, 2026
రేషన్లో గోధుమ పిండి.. నేటి నుంచే పంపిణీ
AP: ప్రభుత్వం రేషన్లో గోధుమ పిండిని పంపిణీ చేయనుంది. అన్ని జిల్లా కేంద్రాల్లోని రేషన్ షాపుల్లో ఇవాళ్టి నుంచి కిలో రూ.20కే అందజేయనున్నట్లు మంత్రి నాదెండ్ల మనోహర్ తెలిపారు. త్వరలోనే మండల స్థాయిలోనూ అందుబాటులోకి తీసుకొస్తామని చెప్పారు. అర్హులైన వారికి పెన్షన్లు ఇస్తామని తెలిపారు. దీపం పథకం కింద నాలుగో విడత రాయితీ సిలిండర్లను పంపిణీ చేస్తున్నామని, మార్చి నెలాఖరు లోపు బుక్ చేసుకోవాలని సూచించారు.
News February 1, 2026
‘కాపు నేత’పై దాడి అని వైసీపీ ట్వీట్
AP: YCP నేత, మాజీ మంత్రి అంబటి రాంబాబు ఇంటిపై TDP కార్యకర్తలు దాడి చేయడం పొలిటికల్ హీట్ పెంచుతోంది. ‘కాపు నేత’పై టీడీపీ దాడి చేసిందని వైసీపీ అఫీషియల్ X పేజీలో #TDPAntiKapu అనే హాష్ట్యాగ్తో ట్వీట్ చేసింది. ‘నాడు వంగవీటి రంగాను హత్య చేశారు. మొన్న ముద్రగడ కుటుంబంపై, నేడు అంబటిపై దాడి చేశారు. తర్వాత మాపై దాడి చేస్తారా?’ అని మాజీ మంత్రి తోట త్రిమూర్తులు మండిపడ్డారు.