News November 15, 2024
LXPT: రోడ్డు ప్రమాదంలో యువకుడి మృతి.. కళ్లు దానం చేసిన కుటుంబ సభ్యులు
రోడ్డు ప్రమాదంలో మరణించిన లక్షెట్టిపేట మండలంలోని వెంకట్రావుపేట గ్రామానికి చెందిన బొమ్మిడి అరుణ్ కుమార్ అనే యువకుడి కళ్ల‌ను కుటుంబ సభ్యులు దానం చేసి గొప్ప మ‌న‌సు చాటుకున్నారు. శుక్రవారం లయన్స్ క్లబ్ ఆధ్వర్యంలో డాక్టర్ అభిషేక్ సహకారంతో నేత్రాలలోని కార్నియాను సేకరించి హైదరాబాద్ లోని ఎల్వి ప్రసాద్ ఐ బ్యాంకుకు తరలించారు. ఈ కార్యక్రమంలో ప్రోగ్రాం ఛైర్ పర్సన్ వి. మధుసూదన్ రెడ్డి, తదితరులు పాల్గొన్నారు.
Similar News
News December 10, 2024
తాండూరు: ఆర్థిక ఇబ్బందులతో కుటుంబం ఆత్మహత్యాయత్నం
కుటుంబసభ్యులంతా ఆత్మహత్యాయత్నం చేసుకున్న ఘటన తాండూరు మండలంలోని కాసిపేట గ్రామంలో జరిగింది. మొండయ్య(60), శ్రీదేవి(50) దంపతులు, వారి కుమార్తె చిట్టి(30), కుమారుడు శివప్రసాద్ (26) ఆర్థిక ఇబ్బందులు తాళలేక పురుగు మందు తాగారు. కాగా వారిని మెరుగైన చికిత్స నిమిత్తం వరంగల్ ఎంజీఎంకు తరలించారు. ప్రస్తుతం నలుగురి పరిస్థితి విషమంగా ఉన్నట్లు తెలుస్తోంది.
News December 10, 2024
నిర్మల్‌లో కాంట్రాక్ట్ ఉద్యోగి సూసైడ్
నిర్మల్‌కు చెందిన ఓ ఉద్యోగి భరత్ సోమవారం ఉరేసుకొని సూసైడ్ చేసుకున్నాడు. కాగా చనిపోయే ముందు అతడు రాసిన సూసైడ్ నోట్ లభ్యమైంది. ‘2018లో ఆరోగ్య శాఖలో RNTCP కాంట్రాక్ట్ ఉద్యోగం పొందాను. నాకంటే కింది స్థాయి వారికి ఎక్కువ జీతం రావడం.. నేను పర్మినెంట్ కాకుండా ఉంటానేమోనని మనస్తాపానికి గురై చనిపోతున్నా. నాభార్య పల్లవికి అన్యాయం చేస్తున్నా. కుమారుడు దేవాను వీడిపోతున్నా, అమ్మనాన్న సారీ’ అంటూ నోట్ రాశాడు.
News December 10, 2024
నిర్మల్: తండ్రిని కొట్టి, ఉరేసి చంపిన కొడుకు
తండ్రిని కొడుకు చంపిన ఘటన నిర్మల్‌లో జరిగింది. SI లింబాద్రి వివరాల ప్రకారం.. ముఠాపూర్‌కు చెందిన ముత్యం(47) ఆదివారం రాత్రి తన తల్లిని మద్యం కోసం డబ్బులివ్వాలని కొట్టాడు. అప్పుడే ఇంటికి వచ్చిన ముత్యం కొడుకు మణిదీప్ నానమ్మను కొట్టాడనే కోపంతో తండ్రిని చితకబాదాడు. కోపం తగ్గకపోవడంతో చీరతో ఉరేసి చంపాడు. ఈ ఘటనపై విచారణ చేపట్టిన పోలీసులు వృద్ధురాలిని ఆరాతీయడంతో విషయం బయటపడినట్లు SI వెల్లడించారు.