News August 27, 2024
మదనపల్లె ఘటన సీన్ రీకన్‌స్ట్రక్షన్
AP: రాష్ట్రంలో సంచలనం రేపిన అన్నమయ్య జిల్లా మదనపల్లె సబ్ కలెక్టరేట్ కార్యాలయ దస్త్రాల దగ్ధం కేసులో సీఐడీ విచారణ కొనసాగుతోంది. ఇవాళ తెల్లవారుజామున 3 గంటలకు అడిషనల్ డీజీ రవిశంకర్ అయ్యన్నార్ నేతృత్వంలో సీన్ రీకన్‌స్ట్రక్షన్ చేశారు. ఎస్పీ విద్యాసాగర్ నాయుడు, ఏఎస్పీ రాజ్‌కమల్, సీఐడీ ఎస్పీ వేణుగోపాల్ పాల్గొన్నారు. పోలీసుల అదుపులో ఉన్న గౌతమ్ తేజను ప్రశ్నించారు.
Similar News
News November 30, 2025
WAKEUP: బాల్యం హద్దులు దాటుతోందా?
ప్రేమ పేరుతో విజయవాడ <<18413280>>మైనర్లు<<>> పారిపోయి HYD వచ్చిన విషయం తెలిసిందే. తాజాగా మరో షాకింగ్ వార్త వెలుగు చూసింది. వనపర్తి జిల్లాలో ఓ ఇంటర్ విద్యార్థిని 9వ తరగతి బాలుడితో శారీరక సంబంధం పెట్టుకుంది. ఇటీవల ఓ బిడ్డకు కూడా జన్మనిచ్చింది. ఈ ఘటనలు చూస్తే బాల్యం హద్దులు దాటుతోందన్న అభిప్రాయం కలగక మానదు. ప్రేమకి అర్థం కూడా తెలియని వయసులో బిడ్డను కనడం కలవర పెట్టే విషయమే. ఈ ఘటనలు పేరెంట్స్‌కు ఓ వేకప్ కాల్.
News November 30, 2025
ప్రముఖ కమెడియన్ కన్నుమూత
ప్రముఖ కన్నడ కమెడియన్ MS ఉమేశ్(80) కన్నుమూశారు. కొంతకాలంగా తీవ్ర అనారోగ్యంతో బాధపడుతున్న ఆయన పరిస్థితి విషమించడంతో ఇవాళ తుదిశ్వాస విడిచారు. 1960లో చైల్డ్ ఆర్టిస్టుగా ఇండస్ట్రీలోకి వచ్చిన ఉమేశ్ ఇప్పటివరకు 350కి పైగా చిత్రాల్లో నటించారు. 6 దశాబ్దాలపాటు కన్నడ పరిశ్రమకు సేవలందించారు. ఆయన మరణంపై కర్ణాటక డిప్యూటీ సీఎం డీకే శివకుమార్‌, కేంద్ర మంత్రి కుమారస్వామితోపాటు నటీనటులు నివాళులర్పించారు.
News November 30, 2025
సీఎం రేవంత్ పర్యటనను నిలిపివేయాలి: కవిత
TG: పంచాయతీ ఎన్నికల వేళ CM రేవంత్ జిల్లాల పర్యటనకు సిద్ధమవ్వడంపై MLC కవిత అభ్యంతరం తెలిపారు. ‘ప్రభుత్వ సొమ్ముతో ప్రచారమా? ఎన్నికలు గ్రామాల్లో ఉంటే CM జిల్లా కేంద్రాలకు వెళ్లి అభివృద్ధి కార్యక్రమాలకు శంకుస్థాపన చేస్తారట. ఇది ముమ్మాటికీ ఎన్నికల నిబంధనలను ఉల్లంఘించడమే. ఈ విషయంలో EC జోక్యం చేసుకుని CM పర్యటనను నిలిపివేయాలి’ అని ట్వీట్ చేశారు. ఈ విషయంపై కాసేపట్లో ఆమె ఈసీకి ఫిర్యాదు చేయనున్నారు.