News October 27, 2024
‘మహా’ ఎలక్షన్స్.. పోటీకి దూరంగా ఆప్
మహారాష్ట్రలో విపక్ష ఓట్లు చీలకుండా ఉండేందుకు వీలుగా అక్కడ అసెంబ్లీ ఎన్నికల్లో పోటీకి దూరంగా ఉండాలని ఆప్ నిర్ణయించింది. ఈ విషయాన్ని ఆ పార్టీ నేత, ఎంపీ సంజయ్ సింగ్ వెల్లడించారు. మహా వికాస్ అఘాఢీ(MVA)లోకి పార్టీలకు మద్దతుగా ఆప్ కన్వీనర్ కేజ్రీవాల్ ఎన్నికల ప్రచారం చేస్తారని తెలిపారు. 288 అసెంబ్లీ స్థానాలకు నవంబర్ 20న పోలింగ్ జరగనుంది. కాగా హరియాణాలో ఒంటరిగా పోటీ చేసిన ఆప్ ఖాతా తెరవని విషయం తెలిసిందే.
Similar News
News October 27, 2024
పోలీస్ శాఖలో విభాగాలు.. వారి విధులివే
పోలీస్ శాఖలో సివిల్, ఆర్మ్డ్ రిజర్వ్(AR), స్పెషల్ పోలీస్ విభాగాలున్నాయి. పోలీస్ స్టేషన్లలో ఉంటూ నేర విచారణ, శాంతిభద్రతల పరిరక్షణ విధులను సివిల్ పోలీసులు చేస్తుండగా, వారికి AR సిబ్బంది బందోబస్తు ఇస్తారు. స్పెషల్ పోలీసులు స్టేషన్ బయట శాంతిభద్రతల విధులు, ఇతర రాష్ట్రాల్లో ఎన్నికల విధులు నిర్వహిస్తారు. తమను ఐదేళ్లలో AR, మరో ఐదేళ్లలో సివిల్ కానిస్టేబుళ్లుగా మార్చాలని TGSP సిబ్బంది కోరుతున్నారు.
News October 27, 2024
టీజీఎస్పీ కానిస్టేబుళ్ల డిమాండ్లు ఇవే
TG: రాష్ట్ర స్పెషల్ పోలీస్(TGSP) కానిస్టేబుళ్లు ఆందోళనలతో హోరెత్తిస్తున్నారు. సివిల్ పోలీసుల మాదిరి 3-5ఏళ్లు ఒకే చోట పనిచేయించాలని, స్థానికత ఆధారంగా పోస్టింగ్ ఇవ్వాలని, ఏక్ స్టేట్- ఏక్ పోలీస్ విధానాన్ని అమలు చేయాలని కోరుతున్నారు. 15రోజులు డ్యూటీ చేస్తే 4రోజులు సెలవుల విధానాన్ని ప్రభుత్వం రద్దు చేసి 26రోజుల డ్యూటీకి 4రోజుల సెలవును ప్రకటించింది. ఆందోళనలతో ఈ ఉత్తర్వులను ఉపసంహరించుకుంది.
News October 27, 2024
ఉచిత గ్యాస్ సిలిండర్.. కావాల్సిన కార్డులు ఇవే
AP: ఈ నెలాఖరు నుంచి ఉచిత గ్యాస్ <<14449463>>సిలిండర్<<>> పథకాన్ని ప్రారంభించేందుకు ప్రభుత్వం కసరత్తు చేస్తోంది. గ్యాస్ కనెక్షన్తోపాటు రేషన్, ఆధార్ కార్డులను ప్రాతిపదికగా నిర్ణయిస్తూ ఉత్తర్వులిచ్చింది. తొలుత పూర్తి సొమ్ము చెల్లిస్తే 2 రోజుల తర్వాత ప్రభుత్వం లబ్ధిదారుని ఖాతాలో తిరిగి జమ చేస్తుంది. OCT 31 నుంచి మార్చి వరకు మొదటి సిలిండర్ పంపిణీకి ఖర్చయ్యే రూ.895 కోట్లను చెక్కు రూపంలో సీఎం CBN విడుదల చేయనున్నారు.