News July 14, 2024
చంద్రబాబుతో భేటీపై మహారాష్ట్ర సీఎం ట్వీట్
AP: ముంబై పర్యటనలో ఉన్న సీఎం చంద్రబాబు మహారాష్ట్ర సీఎం ఏక్‌నాథ్ షిండే‌తో భేటీ అయిన సంగతి తెలిసిందే. తాజా రాజకీయ పరిస్థితులు, పలు రంగాల్లో పరస్పర సహకారం, మౌలిక సదుపాయాల అభివృద్ధి, పలు ఆర్థిక అంశాలపై చర్చించినట్లు సమాచారం. తాజాగా ఈ భేటీకి సంబంధించిన ఫొటోలను CM ఏక్‌నాథ్ Xలో షేర్ చేశారు. ఇరు రాష్ట్రాలు పరస్పర సహకారం ద్వారా అభివృద్ధిని ఎలా సాధించవచ్చనే అంశాలపై ప్రధానంగా చర్చించినట్లు పేర్కొన్నారు.
Similar News
News November 30, 2025
ఏలూరు: మల్చింగ్ పద్ధతిలో వర్జీనియా పొగాకు సాగు
ఏలూరు జిల్లా మెట్ట ప్రాంతంలో మల్చింగ్ పద్ధతిలో రైతులు వర్జీనియా పొగాకు సాగు చేస్తున్నారు. ఈ పద్ధతిలో సాగును అధికారులు ప్రోత్సహిస్తున్నారు. మల్చింగ్ సాగు‌లో డ్రిప్పు ద్వారా ఎరువులను నీటిలో కలిపి నేరుగా మొక్కకు అందజేస్తారు. దీనివల్ల ఎరువులు ఖర్చు, కూలీలు ఖర్చు తగ్గుతుందని రైతులు చెబుతున్నారు. పంటలో కలుపు కూడా రాదని, మొక్క వేరు బాగా పోసుకుని దిగుబడి వస్తుందని వర్జీనియా రైతు భాస్కర్ రాజు తెలిపారు.
News November 30, 2025
NTR-Neel వింటర్‌ నైట్ షూట్
పాన్ ఇండియా డైరెక్టర్ ప్రశాంత్ నీల్ దర్శకత్వంలో తెరకెక్కుతున్న హై-యాక్షన్ మూవీలో మ్యాన్ ఆఫ్ మాసెస్ NTR సరికొత్త లుక్‌లో కనిపించనున్నారు. ఇందుకోసం ఆయన ఎంతో శ్రమించి బరువు తగ్గారు. కొంతకాలం క్రితం NTR లుక్‌ను నీల్ ఫైనల్ చేసిన విషయం తెలిసిందే. దీంతో డిసెంబర్ మొదటి వారం నుంచి రామోజీ ఫిల్మ్ సిటీలో భారీ నైట్ షూట్ షెడ్యూల్‌ను టీమ్ ప్రారంభించబోతోంది. ఈ షెడ్యూల్‌ మూవీలో అత్యంత కీలకమని సమాచారం.
News November 30, 2025
సాయంత్రం 6.30 గంటలకు సీఎం ప్రెస్‌మీట్
TG: DEC 8, 9 తేదీల్లో హైదరాబాద్‌లో గ్లోబల్ సమ్మిట్ జరగనున్న నేపథ్యంలో CM రేవంత్ ఇవాళ 6.30PMకు ప్రెస్‌మీట్ నిర్వహించనున్నారు. సమ్మిట్ నిర్వహణతో పాటు పంచాయతీ ఎన్నికలపై మాట్లాడే అవకాశం ఉంది. ఇదే విషయమై ఆయన మంత్రులు, ఉన్నతాధికారులతో సమావేశం కానున్నారు. అటు గ్లోబల్ సమ్మిట్ నిర్వహణకు భారత్ ఫ్యూచర్ సిటీలో ప్రభుత్వం భారీగా ఏర్పాట్లు చేస్తోంది.