News April 11, 2024
‘మంజుమ్మల్ బాయ్స్’ చిత్ర ప్రదర్శన నిలిపివేత!
మలయాళ చిత్రం ‘మంజుమ్మల్ బాయ్స్’ చిత్రాన్ని తెలుగులో రిలీజ్ చేయగా.. PVRINOX ప్రదర్శనకు నిరాకరించింది. దీంతో సినీ ప్రేమికులు PVRINOXపై ఫైరవుతున్నారు. అయితే, దీనికొక కారణముంది. కేరళ ఫిల్మ్ ప్రొడ్యూసర్స్ అసోసియేషన్‌ ఇటీవల PDC అనే కంపెనీని ప్రారంభించింది. థియేటర్స్ దీని నుంచి డిజిటల్ ప్రింట్స్ కొనాలని తెలిపింది. దీనికి PVRINOX నిరాకరించింది. దీంతో మలయాళ డబ్బింగ్ సినిమాల ప్రదర్శనకు సైతం ఒప్పుకోవట్లేదు.
Similar News
News November 30, 2025
WAKEUP: బాల్యం హద్దులు దాటుతోందా?
ప్రేమ పేరుతో విజయవాడ <<18413280>>మైనర్లు<<>> పారిపోయి HYD వచ్చిన విషయం తెలిసిందే. తాజాగా మరో షాకింగ్ వార్త వెలుగు చూసింది. వనపర్తి జిల్లాలో ఓ ఇంటర్ విద్యార్థిని 9వ తరగతి బాలుడితో శారీరక సంబంధం పెట్టుకుంది. ఇటీవల ఓ బిడ్డకు కూడా జన్మనిచ్చింది. ఈ ఘటనలు చూస్తే బాల్యం హద్దులు దాటుతోందన్న అభిప్రాయం కలగక మానదు. ప్రేమకి అర్థం కూడా తెలియని వయసులో బిడ్డను కనడం కలవర పెట్టే విషయమే. ఈ ఘటనలు పేరెంట్స్‌కు ఓ వేకప్ కాల్.
News November 30, 2025
ప్రముఖ కమెడియన్ కన్నుమూత
ప్రముఖ కన్నడ కమెడియన్ MS ఉమేశ్(80) కన్నుమూశారు. కొంతకాలంగా తీవ్ర అనారోగ్యంతో బాధపడుతున్న ఆయన పరిస్థితి విషమించడంతో ఇవాళ తుదిశ్వాస విడిచారు. 1960లో చైల్డ్ ఆర్టిస్టుగా ఇండస్ట్రీలోకి వచ్చిన ఉమేశ్ ఇప్పటివరకు 350కి పైగా చిత్రాల్లో నటించారు. 6 దశాబ్దాలపాటు కన్నడ పరిశ్రమకు సేవలందించారు. ఆయన మరణంపై కర్ణాటక డిప్యూటీ సీఎం డీకే శివకుమార్‌, కేంద్ర మంత్రి కుమారస్వామితోపాటు నటీనటులు నివాళులర్పించారు.
News November 30, 2025
సీఎం రేవంత్ పర్యటనను నిలిపివేయాలి: కవిత
TG: పంచాయతీ ఎన్నికల వేళ CM రేవంత్ జిల్లాల పర్యటనకు సిద్ధమవ్వడంపై MLC కవిత అభ్యంతరం తెలిపారు. ‘ప్రభుత్వ సొమ్ముతో ప్రచారమా? ఎన్నికలు గ్రామాల్లో ఉంటే CM జిల్లా కేంద్రాలకు వెళ్లి అభివృద్ధి కార్యక్రమాలకు శంకుస్థాపన చేస్తారట. ఇది ముమ్మాటికీ ఎన్నికల నిబంధనలను ఉల్లంఘించడమే. ఈ విషయంలో EC జోక్యం చేసుకుని CM పర్యటనను నిలిపివేయాలి’ అని ట్వీట్ చేశారు. ఈ విషయంపై కాసేపట్లో ఆమె ఈసీకి ఫిర్యాదు చేయనున్నారు.