News November 5, 2024
MBNR: కాలేజీల్లో ప్రమాణాలు కోల్పోకుండా చూడాలి !
ఉమ్మడి జిల్లాలో 72 మండలాల్లో 56 ప్రభుత్వ జూ.కళాశాలలు ఉన్నాయి. ఈ కళాశాలల్లో నిరంతరం ఏదో ఒక సమస్య వెంటాడుతూనే ఉంటుంది. పాలన అంశాల్లో నిర్ణయం తీసుకోకపోవడం, నిధుల కొరత, మౌలిక వనరుల సమస్యలు దాదాపు అన్ని కళాశాలల్లో ఉన్నాయి. నూతన జూ.అధ్యాపకుల నియామకాలు, ప్రిన్సిపల్ పదోన్నతులు చేపట్టవలసి ఉంది. ప్రభుత్వ జూ.కళాశాలల్లో ప్రమాణాలు కోల్పోకుండా చర్యలు తీసుకోవాలని విద్యార్థులు వారి తల్లిదండ్రులు కోరుతున్నారు.
Similar News
News December 5, 2024
నాగర్‌కర్నూల్: కుళ్లిపోయిన మహిళ మృతదేహం
అనుమానాస్పద స్థితిలో కుళ్లిపోయిన మహిళ మృతదేహం లభ్యమైంది. పోలీసుల ప్రకారం.. NGKL జిల్లా కొల్లాపూర్ మండలానికి చెందిన మరియమ్మ(40) తన భర్తతో భువనగిరి జిల్లా బీబీనగర్ మండలంలో ఉంటోంది. కొద్దిరోజులుగా ఆమె కనిపించకపోవడంతో భర్త పోలీసులకు ఫిర్యాదు చేశాడు. కేసు నమోదు చేసుకున్న పోలీసులు దర్యాప్తు చేయగా కుళ్లిన స్థితిలో మరియమ్మ మృతదేహం కనిపించింది. భర్తే హత్య చేసి ఉండవచ్చని స్థానికులు అనుమానిస్తున్నారు.
News December 5, 2024
GREAT: 4 ‘GOVT’ ఉద్యోగాలు సాధించిన మమత
మహబూబ్‌నగర్ జిల్లా గండీడ్ మండలం జిన్నారం గ్రామానికి చెందిన గోపాల్ గౌడ్ కుమార్తె మమత నాలుగు ప్రభుత్వ ఉద్యోగాలు సాధించింది. 2018లో పంచాయతీ కార్యదర్శిగా, 2019లో కేజీబీవీ లెక్చరర్‌గా, 2024లో గురుకుల జూనియర్ లెక్చరర్‌గా, ఇటీవల ప్రకటించిన జూనియర్ లెక్చరర్ ఫలితాల్లో ఉద్యోగం సాధించి గెజిటెడ్ పోస్ట్‌ను దక్కించుకుంది. భర్త సుకుమార్ గౌడ్ ప్రోత్సాహంతోనే విజయాన్ని సొంతం చేసుకున్నట్లు తెలిపారు.
News December 5, 2024
మిడ్జిల్: పాఠశాలను తనిఖీ చేసిన జిల్లా కలెక్టర్
విద్యార్థులకు పాఠ్యాంశాలు అర్థమయ్యే రీతిలో బోధించాలని జిల్లా కలెక్టర్ విజయేందిర బోయి సూచించారు. మిడ్జిల్ మండలం బోయిన్‌పల్లి జెడ్‌పి ఉన్నత పాఠశాలను జిల్లా కలెక్టర్ విజయేందిర బోయి బుధవారం తనిఖీ చేశారు. జిల్లా కలెక్టర్ మధ్యాహ్న భోజనం, పాఠశాల పరిసరాలు పరిశీలించారు. బియ్యం,ఆహార పదార్థాలు పరిశీలించారు. మధ్యాహ్న భోజనం నాణ్యతతో అందించాలని, ఎటువంటి ఫిర్యాదులు రానివ్వకూడదని సూచించారు.