News February 12, 2025
MBNR: చనిపోయేందుకు శ్రీశైలం వచ్చిన యువతి.. కాపాడిన పోలీసులు
ఆత్మహత్య చేసుకునేందుకు శ్రీశైలం వచ్చిన ఓ యువతిని స్థానిక పోలీసులు కాపాడారు. సీఐ ప్రసాదరావు వివరాల మేరకు.. వనపర్తి జిల్లా ఓ గ్రామానికి చెందిన ఓ యువతి ఆత్మహత్య చేసుకునేందుకు శ్రీశైలం వచ్చింది. పాతాళగంగ వద్ద తిరుగుతున్న ఆమెను పోలీస్ సిబ్బంది గుర్తించి వివరాలు తెలుసుకున్నారు. వారి బంధువులకు క్షేమంగా అప్పగించామని సీఐ తెలిపారు. ఆత్మహత్య ఎందుకు చేసుకోవాల్సి వచ్చిందో తెలియరాలేదని ఆయన పేర్కొన్నారు.
Similar News
News November 30, 2025
ఉమ్మడి MBNR జిల్లాలో కొనసాగుతున్న చలి తీవ్రత
మహబూబ్‌నగర్ జిల్లాలో గత ఐదు రోజులుగా చలి తీవ్రత కొనసాగుతోంది. గడిచిన 24 గంటల్లో గండీడ్ మండలం సల్కర్‌పేటలో 15.5 డిగ్రీల అత్యల్ప ఉష్ణోగ్రత నమోదైంది. కోయిలకొండ మండలం సిరి వెంకటాపూర్‌లో 15.9 డిగ్రీలు, బాలానగర్‌లో 16.2 డిగ్రీల ఉష్ణోగ్రత నమోదైంది. చలి కారణంగా వృద్ధులు, చిన్నపిల్లలు ఇబ్బందులు పడ్డారు.
News November 30, 2025
MBNR: ఇసుక ట్రాక్టర్ బోల్తా.. బాలుడి మృతి
మిడ్జిల్ మండల కేంద్రంలో శనివారం అర్ధరాత్రి ఇసుక ట్రాక్టర్ బోల్తా పడి శ్రీశాంత్ (17)మృతి చెందాడు. స్థానికులు తెలిపిన వివరాలు.. దుందుభి వాగు నుంచి ఇసుక తరలిస్తుండగా, కేఎల్ఐ కాలువ సమీపంలో ట్రాక్టర్ వరి ధాన్యం కుప్పను ఢీకొట్టి బోల్తా పడింది. ఈ ప్రమాదంలో తీవ్రంగా గాయపడిన శ్రీశాంత్ అక్కడికక్కడే మృతి చెందాడు. ఈ ఘటనతో గ్రామంలో విషాదఛాయలు అలుముకున్నాయి.
News November 29, 2025
MBNR: పీయూలో కొత్త కాంటీన్‌ను ప్రారంభించనున్న వీసీ
PU విశ్వవిద్యాలయంలో నూతనంగా నిర్మించిన యూనివర్సిటీ క్యాంటీన్‌ను డిసెంబర్ 1న వైస్ ఛ ఛ ఛాన్స్‌లర్(వీసీ) ప్రొఫెసర్ జి ఎన్ శ్రీనివాస్ ప్రారంభించనున్నారు. ఆరోగ్యకరమైన, పరిశుభ్రమైన ఆహార వసతులను అందించేందుకు ఈ నూతన కాంటీన్‌ను ఆధునిక సౌకర్యాలతో ఏర్పాటు చేసినట్లు వీసీ తెలిపారు. కంట్రోలర్, ప్రిన్సిపాల్స్, విభాగ అధిపతులు, అధ్యాపకులు, బోధనేతర సిబ్బంది హాజరు కావాలని రిజిస్ట్రార్ ప్రొ.పి.రమేష్ బాబు తెలిపారు.