News February 3, 2025
MBNR: చల్లా వంశీచంద్ రెడ్డికి కీలక పదవి
కల్వకుర్తి కాంగ్రెస్ నేత చల్లా వంశీచంద్ రెడ్డికి కాంగ్రెస్ అధిష్ఠానం కీలక పదవి కట్టబెట్టింది. ఎంపవర్డ్ యాక్షన్ గ్రూప్ ఆఫ్ లీడర్స్ అండ్ ఎక్స్పర్ట్స్ అనే ప్రత్యేక బృందాన్ని ఏర్పాటు చేస్తూ ఆల్ ఇండియా కాంగ్రెస్ కమిటీ జనరల్ సెక్రెటరీ kc వేణుగోపాల్ ప్రకటన జారీ చేశారు. ఏఐసీసీ అధ్యక్షుడు మల్లికార్జున ఖర్గే ఈ కమిటీని 8మంది సభ్యులతో ఏర్పాటు చేయగా తెలంగాణకు చెందిన చల్లా వంశీచంద్ రెడ్డికి చోటు దక్కింది.
Similar News
News March 5, 2026
వేధింపులకు భయపడొద్దు.. ఫిర్యాదు చేయండి: సిరిసిల్ల ఎస్పీ
సిరిసిల్ల జిల్లాలో విద్యార్థినులు, మహిళలు వేధింపులకు గురైనప్పుడు భయపడకుండా వెంటనే ఫిర్యాదు చేయాలని జిల్లా ఎస్పీ మహేష్ బి. గితే గురువారం సూచించారు. ఫిర్యాదు అందిన వెంటనే నిందితులపై కఠిన చర్యలు తీసుకుంటామని తెలిపారు. మహిళల భద్రత కోసం షీ టీమ్ ప్రత్యేకంగా పనిచేస్తూ విద్యాసంస్థలు, పని ప్రదేశాల్లో ర్యాగింగ్, ఇవిటీజింగ్, పోక్సో చట్టంపై అవగాహన కార్యక్రమాలు నిర్వహిస్తున్నట్లు చెప్పారు.
News March 5, 2026
బాపట్ల: ఇంటర్ పరీక్షలకు 191 మంది ఆబ్సెంట్
బాపట్ల జిల్లాలో గురువారం జరిగిన ఇంటర్మీడియట్ పరీక్షలు ప్రశాంతంగా ముగిశాయని జిల్లా విద్యాశాఖ అధికారి జుబేర్ తెలిపారు. తొమ్మిదో రోజు పరీక్షకు మొత్తం 2,785 మంది విద్యార్థులు హాజరుకావాల్సి ఉండగా, 2,594 మంది హాజరయ్యారని పేర్కొన్నారు. మిగిలిన 191 మంది విద్యార్థులు గైర్హాజరైనట్లు ఆయన వివరించారు. పరీక్షా కేంద్రాల వద్ద నిఘా ఏర్పాటు చేసినట్లు వెల్లడించారు.
News March 5, 2026
మంచిర్యాల పట్టణాన్ని పరిశుభ్రంగా ఉంచాలి: కలెక్టర్
మంచిర్యాలను పరిశుభ్రంగా ఉంచడం ప్రతి ఒక్కరి బాధ్యత అని కలెక్టర్ కుమార్ దీపక్ అన్నారు. ‘పరిశుభ్రత – మన బాధ్యత’ ర్యాలీలో ఆయన పాల్గొన్నారు. 100 శాతం చెత్త సేకరణ చేస్తామని, ప్రజలు చెత్తను రోడ్లపై వేయకుండా చెత్తబుట్టలనే వాడాలని సూచించారు. రోడ్లపై ఉన్న గుంతలను పూడ్చివేస్తామని, మున్సిపాలిటీకి ప్రజలు పూర్తిస్థాయిలో సహకరించాలని కోరారు. ఈ కార్యక్రమంలో ఎమ్మెల్యే, మేయర్, మున్సిపల్ అధికారులు పాల్గొన్నారు.