News March 29, 2025
MBNR: నేడు సీఎం కొడంగల్ రాక.. షెడ్యూల్ ఇలా!
ముఖ్యమంత్రి రేవంత్ రెడ్డి నేడు కొడంగల్కు రానున్నారు. పర్యటన షెడ్యూల్ ఖరారైంది.✔సాయంత్రం 4:30 గంటలకు ప్రత్యేక హెలికాప్టర్లో కొడంగల్కు రానున్నారు.✔4:40 గంటలకు హెలిప్యాడ్ నుంచి వెంకటేశ్వర ఆలయానికి రోడ్డు మార్గం ద్వారా వెళ్లనున్నారు.✔4:40 నుంచి 5:40 వరకు స్వామివారి పూజా కార్యక్రమంలో పాల్గొంటారు.✔సాయంత్రం 5.50 గంటల నుంచి 7 గంటల వరకు ఫంక్షన్ హాల్లో ఇఫ్తార్ విందులో పాల్గొననున్నారు.
Similar News
News December 4, 2025
MBNR: కంపెనీ సెక్రటరీ కోర్సులకు భారీ డిమాండ్: వీసీ
మహబూబ్ నగర్ జిల్లాలోని పాలమూరు యూనివర్సిటీలో పీయూలో కామర్స్, బిజినెస్ మేనేజ్మెంట్ & ఎకనామిక్స్ విభాగం ఆధ్వర్యంలో, ఐసీఎస్ఐ సహకారంతో అవగాహన కార్యక్రమం నిర్వహించారు. ముఖ్య అతిథిగా వీసీ ప్రొ. జి.ఎన్. శ్రీనివాస్ హాజరై మాట్లాడారు. కార్పొరేట్ రంగంలో కంపెనీ సెక్రటరీ (సీఎస్) వంటి ప్రొఫెషనల్ కోర్సులకు భారీ స్థాయిలో డిమాండ్ ఉందని ఆయన తెలిపారు. విద్యార్థులు ఈ అవకాశాలను అందిపుచ్చుకోవాలని సూచించారు.
News December 4, 2025
ఖమ్మం: స్కూటీని ఢీకొన్న లారీ.. వ్యక్తి స్పాట్ డెడ్
ఖమ్మం రూరల్ మండలం కాచిరాజుగూడెం సమీపంలో గురువారం రోడ్డు ప్రమాదం జరిగింది. స్థానికుల కథనం ప్రకారం.. డోర్నకల్కు చెందిన మునగల వీరభద్రం(55) స్కూటీపై వెళ్తుండగా లారీ ఢీకొంది. ఈ ప్రమాదంలో వీరభద్రంకు తీవ్ర గాయాలు కావడంతో అక్కడికక్కడే మృతి చెందాడు. సమాచారం అందుకున్న సీఐ రాజు ఘటనా స్థలాన్ని పరిశీలించారు. మృతదేహాన్ని పోస్టుమార్టం నిమిత్తం ఆసుపత్రికి తరలించి దర్యాప్తు చేస్తున్నారు.
News December 4, 2025
విజయవాడ-హైదరాబాద్ మధ్య వైడ్ బాడీ బోయింగ్ విమానాలు
విజయవాడ-హైదరాబాద్ మధ్య వైడ్ బాడీ బోయింగ్ విమానాలు త్వరలో అందుబాటులోకి రానున్నాయని MP కేశినేని శివనాథ్ తెలిపారు. ఢిల్లీలో కేంద్ర మంత్రి రామ్మోహన్ నాయుడు ఆధ్వర్యంలో గురువారం ఇండిగో స్పెషల్ డైరెక్టర్ ఎ.కె. సింగ్తో సమావేశం జరిగింది. వైడ్ బాడీ విమానాలు ప్రారంభం కావడంతో టికెట్ ధరలు తగ్గి, సీట్లు, లగేజీ సమస్యలు తగ్గనున్నాయని ఎంపీ తెలిపారు. ప్రయాణికుల తరఫున కేంద్రమంత్రికి కృతజ్ఞతలు తెలిపారు.