News March 2, 2025
MBNR: ఫోన్ ఇవ్వలేదని మహిళ హత్య

గత నెల 26న జరిగిన మహిళహత్య కేసును పోలీసులు ఛేదించారు. వారు తెలిపిన వివరాలిలా.. మునిరంగస్వామి జాతర సందర్భంగా గతనెల 19న కొత్తమొల్గరకి చెందిన రంగమ్మకు భూత్పూర్కి చెందిన రాజుతో పరిచయమైంది. ఈక్రమంలో రాజు తన ఫోన్ను ఆమెకు ఇచ్చాడు. తిరిగి ఆ ఫోన్ని అడగటంతో ఆమె నిరాకరించింది. ఈనెల 26న ఆలయం వద్ద రాజు ఆమె తలపై బండరాళ్లతో దాడి చేసి పారిపోయాడు. ఫోన్ ఆధారంగా అతడిని పట్టుకుని విచారించగా నేరాన్ని అంగీకరించాడు.
Similar News
News November 29, 2025
తణుకులో యువకుడి దారుణ హత్య

తణుకు మండలం పైడిపర్రు డ్రైవర్స్ కాలనీలో శుక్రవారం అర్ధరాత్రి వ్యక్తి హత్యకు గురయ్యాడు. స్థానికులు తెలిపిన వివరాల మేరకు.. శిరాళం ప్రభాకర్(28), కందుల శ్రీను మిత్రులు. వారి మధ్య పాత గొడవల ఉన్నాయి. దీంతో శ్రీను మరో వ్యక్తితో కలిసి ప్రభాకర్ ఇంటికి వెళ్లి, నిద్రిస్తున్న అతడిపై కత్తితో దాడి చేశాడు. తీవ్ర గాయాలపాలైన ప్రభాకర్ చికిత్స పొందుతూ మృతి చెందాడు. పోలీసులు కేసు దర్యాప్తు చేస్తున్నారు.
News November 29, 2025
నక్కపల్లి: హైవేపై యాక్సిడెంట్.. వ్యక్తి మృతి

నక్కపల్లి మండలం వేంపాడు వద్ద జాతీయ రహదారిపై శనివారం ఉదయం 3 గంటల ప్రాంతంలో రోడ్డు ప్రమాదం జరిగింది. పాయకరావుపేట నుంచి అనకాపల్లి వైపు బైక్ పై వెళుతుండగా వాహనం ఢీకొంది. ఈ ప్రమాదంలో బైక్పై వెళ్తున్న వ్యక్తి అక్కడికక్కడే మృతి చెందాడు. మృతదేహాన్ని నక్కపల్లి ప్రభుత్వ ఆసుపత్రికి తరలించారు. పోలీసులు ఘటనా స్థలికి చేరుకుని దర్యాప్తు చేపట్టారు.
News November 29, 2025
RITESలో ఉద్యోగాలు.. అప్లైకి రేపే లాస్ట్ డేట్

రైల్ ఇండియా టెక్నికల్ అండ్ ఎకనామిక్ సర్వీస్(RITES)లో 40 మేనేజర్, 7 ఇంజినీర్ పోస్టులకు అప్లై చేయడానికి రేపే ఆఖరు తేదీ. BE, బీటెక్ ఉత్తీర్ణతతో పాటు పని అనుభవం గల వారు అప్లై చేసుకోవచ్చు. అభ్యర్థులు గరిష్ఠ వయోపరిమితి 40ఏళ్లు. రిజర్వేషన్ గలవారికి ఏజ్లో సడలింపు ఉంది. దరఖాస్తు ఫీజు రూ.600, SC, ST, PWBDలు రూ.300 చెల్లించాలి. రాత పరీక్ష, ఇంటర్వ్యూ ద్వారా ఎంపిక చేస్తారు. వెబ్సైట్: https://rites.com/


