News March 27, 2024
MBNR: ఈ లక్షణాలు కనిపిస్తే వడదెబ్బే ?
మార్చిలోనే ఎండలు దంచికొడుతున్నాయి. ఏదైనా పని మీద బయటకు వస్తే వడదెబ్బకు గురయ్యే అవకాశం ఉంది. వడదెబ్బ తగిలితే తల తిరగడం, కళ్లు బైర్లు కమ్మడం, నాలుక తడి ఆరిపోతుంది. అలాగే గుండె వేగంగా కొట్టుకోవడం, దాహంగా అనిపిస్తుంది. వాంతులు, విరేచనాలు కూడా అవుతాయి. వడదెబ్బ నుంచి తప్పించుకోవాలంటే నీళ్లు ఎక్కువగా తాగాలి. బయటికి వెళ్తే కొబ్బరి నీళ్లు, పండ్ల రసాలు తీసుకోవాలి. మధ్యాహ్నం పూట లేత రంగు బట్టలు ధరించాలి.
Similar News
News January 10, 2025
నేటి నుంచి హ్యాండ్ బాల్ ఛాంపియన్ షిప్
మహబూబ్ నగర్ పట్టణంలోని DSA స్టేడియం గ్రౌండ్‌లో నేటి నుంచి ఈ నెల 14 వరకు అండర్-17 హ్యాండ్ బాల్ జాతీయస్థాయి బాల, బాలికల ఛాంపియన్ షిప్ నిర్వహించనున్నారు. ఇప్పటికే అన్ని ఏర్పాట్లు పూర్తి చేసినట్లు SGF అధికారులు తెలిపారు. ఈ టోర్నీలో మొత్తం 1550 మంది క్రీడాకారులు హాజరవుతుండగా.. బాలికలు-36, బాలురు-35 రాష్ట్రాల నుంచి తరలిరానున్నారు. ఉదయం,రాత్రి సమయాల్లో పోటీలు నిర్వహించనున్నారు.
News January 10, 2025
MBNR: సంక్రాంతికి 320 బస్సులు
ఉమ్మడి పాలమూరు జిల్లాలో 10 ఆర్టీసీ డిపోల పరిధిలో ఈ నెల 8 నుంచి 13 వరకు హైదరాబాద్‌కు 320 బస్సులు అదనంగా నడపనున్నారు. సంక్రాంతి పండుగ నేపథ్యంలో రద్దీని తట్టుకునేందుకు అదనపు బస్సులు నడుపుతున్నామని రీజినల్ మేనేజర్ సంతోష్ కుమార్ తెలిపారు. ప్రయాణికులు ప్రైవేటు వాహనాలను ఆశ్రయించవద్దని ఆర్టీసీ బస్సుల్లోనే సురక్షితంగా ప్రయాణించాలని కోరారు.
News January 10, 2025
16న జైపాల్ రెడ్డి జయంతికి ఏర్పాట్లు
ఈ నెల 16న జైపాల్ రెడ్డి 83వ జయంతిని ఘనంగా నిర్వహించేందుకు ప్రభుత్వం ఏర్పాట్లు చేస్తోంది. ఈ మేరకు ప్రభుత్వ ప్రధాన కార్యదర్శి శాంతి కుమారి ఆదేశాలు జారీ చేశారు. హైదరాబాదులోని నెక్లెస్ రోడ్డులో జైపాల్ రెడ్డి మెమోరియల్ స్ఫూర్తి స్థల్ వద్ద జయంతిని నిర్వహించేందుకు నిర్ణయించారు. జైపాల్ రెడ్డి ఉమ్మడి పాలమూరు జిల్లా మాడుగులలో 1942 జనవరి 16న జన్మించారు.1998లో ఉత్తమ పార్లమెంటేరియన్‌గా ఎంపికయ్యారు.