News August 29, 2025
MBNR: బీసీలను కాంగ్రెస్ మోసం చేసింది: మాజీ మంత్రి
కామారెడ్డి డిక్లరేషన్‌తోనే కాంగ్రెస్ గెలిచిందని, ఓట్లు వేయించుకొని బీసీలను మోసం చేసిందని మాజీ మంత్రి, MBNR మాజీ MLA శ్రీనివాస్ గౌడ్ అన్నారు. ఈరోజు HYD తెలంగాణ భవన్‌లో ఆయన మాట్లాడారు. రాష్ట్రంలో బీసీ కాంట్రాక్టర్లు ఒక్కరూ లేరని, కాంగ్రెస్‌కి బీసీలపై మనసంతా విషమే ఉందన్నారు. కేసీఆర్ ఒక ఎంపీగా ఉండి తెలంగాణ తెచ్చారని, అంత మంది ఎంపీలు ఉన్న మీరు ఎందుకు బీసీ బిల్‌ని పాస్ చేపించడం లేదని ప్రశ్నించారు.
Similar News
News August 29, 2025
జైపూర్: ‘నష్టపరిహారం అందించేందుకు చర్యలు’
జైపూర్ మండలంలోని కిష్టాపూర్, వేలాల గ్రామాలలో భారీ వర్షంతో వరద ముంపుకు గురైన పంట పొలాలను పెద్దపల్లి ఎంపీ గడ్డం వంశీకృష్ణ పరిశీలించారు. ఈ సందర్భంగా నీట మునిగిన పంటల వివరాలు, సంబంధిత రైతుల వివరాలతో పూర్తిస్థాయి నివేదిక అందించాలని అధికారులను ఆదేశించారు. నివేదికలో అర్హులైన రైతుల వివరాలు మాత్రమే ఉండాలని, నష్టపోయిన ప్రతి రైతుకు నష్టపరిహారం అందించే దిశగా చర్యలు తీసుకుంటామని తెలిపారు.
News August 29, 2025
పెన్షన్ల తొలగింపుపై ప్రకాశం కలెక్టర్ క్లారిటీ ఇదే
ప్రకాశం జిల్లాలో పెన్షన్లపై కలెక్టర్ తమీమ్ అన్సారియా కీలక ప్రకటన చేశారు. జిల్లాలో 4,654 మందిని పెన్షన్లకు అనర్హులుగా వైద్య ఆరోగ్యశాఖ గుర్తించిందన్నారు. వీరిలో అర్హతను బట్టి 1,062 మంది పెన్షన్లను వికలాంగ, వృద్ధాప్య పెన్షన్లుగా మార్పు చేశామని చెప్పారు. మిగిలిన 3,592 పెన్షన్లలో 791 మందికి మినహాయింపు ఉందని, 2,801 మందికి నోటీసులు ఇచ్చామన్నారు. అప్పీల్ చేసుకున్నవారికి 1న పింఛన్ అందుతుందని తెలిపారు.
News August 29, 2025
ముసాయిదా ఓటర్ల జాబితాపై అభ్యంతరాలు తెలపాలి: కలెక్టర్
ముసాయిదా ఓటర్ల జాబితాపై అభ్యంతరాలు తెలపాలని కలెక్టర్ రిజ్వాన్ భాషా వివిధ పార్టీల నాయకులను కోరారు. శుక్రవారం జనగామ కలెక్టరేట్లో ఓటర్ల జాబితా అభ్యంతరాలపై వివిధ పార్టీల నాయకులతో సమావేశం నిర్వహించారు. కలెక్టర్ మాట్లాడుతూ.. ఎన్నికల సంఘం ఆదేశాల మేరకు ముసాయిదా ఓటర్ల జాబితా సిద్ధం చేసినట్లు తెలిపారు. ఏమైనా అభ్యంతరాలు ఉంటే తెలియజేయాలని సూచించారు.