News February 19, 2025
MDCL: జిల్లాలో 437.26 మెట్రిక్ టన్నుల యూరియా
మేడ్చల్ మల్కాజిగిరి జిల్లా వ్యాప్తంగా యూరియా కొరత ఉందనేది అవాస్తవమని జిల్లా వ్యవసాయ శాఖ అధికారి చంద్రకళ తెలిపారు. మేడ్చల్ జిల్లా వ్యాప్తంగా పంటలు సాగులో ఉన్న 8 మండలాల్లో 437.26 మెట్రిక్ టన్నుల యూరియా నిల్వ ఉన్నట్లుగా తెలిపారు. వ్యాపారులు, డీలర్లు కృత్రిమ కొరత సృష్టించి, రైతులను ఇబ్బందులు పెడితే కఠిన చర్యలు తీసుకుంటామని హెచ్చరించారు.
Similar News
News November 30, 2025
NLG: ఉప సర్పంచ్ పదవికి పెరిగిన క్రేజ్!
జిల్లాలో పంచాయతీ ఎన్నికల్లో ఉప సర్పంచ్ పదవికి క్రేజ్ పెరిగింది. గ్రామాల్లో చక్రం తిప్పే ముఖ్య నాయకులు అంతా ఇప్పుడు ఉప సర్పంచి పదవి పైనే దృష్టి కేంద్రీకరించారు. రిజర్వేషన్లు అనుకూలంగా రాకపోవడంతో పాటు మహిళలకు 50% సర్పంచి స్థానాలు రిజర్వు కావడంతో చాలా మంది బడా బాబులకు పోటీ చేసే అవకాశం లేకుండా పోయింది. దీంతో చాలా గ్రామాల్లో ముఖ్య నేతలంతా ఉప సర్పంచి పదవి కోసం రంగంలోకి దిగుతున్నట్లు తెలుస్తోంది.
News November 30, 2025
సిరిసిల్ల: జిల్లాలో సర్పంచుల నామినేషన్ల వివరాలు ఇవే..
వేములవాడ అర్బన్ – 11 గ్రామాల్లో సర్పంచ్ 87, వార్డులకు 270.
వేములవాడ రూరల్ – 17 గ్రామాల్లో సర్పంచ్ 98, వార్డులకు 336.
చందుర్తి మండలం – 19 గ్రామాల్లో సర్పంచ్ 113, వార్డులకు 397.
రుద్రంగి మండలం – 10 గ్రామాల్లో సర్పంచ్ 39, వార్డులకు 180.
కోనరావుపేట మండలం – 28 గ్రామాల్లో సర్పంచు స్థానం కోసం 202, వార్డులకు 513 నామినేషన్లు అందాయి.
మొత్తం సర్పంచులకు 539, వార్డులకు 1696 నామినేషన్ వచ్చాయి.
News November 30, 2025
NLG: రెండో విడతలో 282 పంచాయతీలు
రెండో విడతలో MLG రెవెన్యూ డివిజన్ పరిధిలోని అడవిదేవులపల్లి, అనుముల, దామరచర్ల, మార్గులపల్లి, MLG, నిడమనూరు, పెద్దవూర, తిరుమలగిరిసాగర్, త్రిపురారం, వేములపల్లి మండలాలకు చెందిన 282 గ్రామ పంచాయతీల్లో ఎన్నికలు జరగనున్నాయి. రెండో విడత ఎన్నికలకు ఆదివారం జిల్లా ఎన్నికల అధికారి, కలెక్టర్ ఇలా త్రిపాఠి నోటిఫికేషన్ జారీ చేయనున్నారు. ఆదివారం నుంచి డిసెంబర్ 2వ తేదీ వరకు నామినేషన్లను స్వీకరించనున్నారు.