News April 5, 2025
MDCL: మొక్కకు నీరందించే బెస్ట్ టెక్నిక్.. ఇదే..!
HYD, RR, MDCL, VKB జిల్లా వ్యాప్తంగా పర్యావరణ ప్రేమికులు పలుచోట్ల మొక్కలు నాటుతుంటారు. అలాంటివారికి IFS అధికారి మోహన్ కొత్త టెక్నిక్ పరిచయం చేశారు. మొక్కనాటే ముందు గుంత తవ్వి, అందులో కంకర వేసి, ప్రత్యేకంగా పైపు ఏర్పాటు చేసి, కంకర నింపాలని, ఆ తర్వాత మొక్క నాటాలన్నారు. డైరెక్ట్ పైపులో నీరు పోస్తే, డైరెక్ట్ మొక్క వేర్లకు నీరు అందుతుంది, ఏపుగా ఎదుగుతుందని, నీరు వృథా కావన్నారు.
Similar News
News November 29, 2025
రాష్ట్రంలో జోరుగా ధాన్యం కొనుగోళ్లు
తెలంగాణ వ్యాప్తంగా ధాన్యం కొనుగోళ్ల ప్రక్రియ వేగంగా సాగుతోంది. అన్ని జిల్లాల్లో వరి కోతలు ముమ్మరం సాగుతున్న తరుణంలో కొనుగోలు కేంద్రాలకు భారీగా ధాన్యం తరలివస్తోంది. రాష్ట్రంలో 8,361 ధాన్యం కేంద్రాలను ఏర్పాటు చేశారు. వీటికి ఇప్పటి వరకు 41.52 లక్షల టన్నుల ధాన్యం రాగా.. 35.96 లక్షల టన్నుల కొనుగోళ్లు జరిగాయి. ఈ ధాన్యానికి మద్దతు ధర, బోనస్ కలిపి రూ.6,688.63 కోట్లను విడుదల చేసినట్లు ప్రభుత్వం పేర్కోంది.
News November 29, 2025
KMR: సామాజిక తెలంగాణ సాధనే లక్ష్యం: కవిత
జాగృతి చీఫ్ కవిత దీక్ష దివస్ సందర్భంగా X వేదికగా ప్రత్యేక పోస్ట్ చేశారు. ఒక యోధుని దీక్ష అమరుల త్యాగం, యావత్ తెలంగాణ జాతికి మేలుకొలుపుగా, ఐక్యతా గీతంగా నిలిచిందని, ఉద్యమ స్ఫూర్తిని నింపిందని పేర్కొన్నారు. ఆ దీక్షే తెలంగాణ ఉద్యమాన్ని విజయపథం వైపు నడిపించిందని, రాష్ట్ర సాధనకు దారి దీపంగా మారిందని కవిత స్పష్టం చేశారు. భౌగోళిక తెలంగాణను సాధించుకున్నామని, తమ తదుపరి లక్ష్యం సామాజిక తెలంగాణ సాధనేనన్నారు.
News November 29, 2025
పారిశ్రామిక ప్రాంతాల్లో మౌలిక వసతులకు అధిక ప్రాధాన్యత ఇవ్వాలి: కలెక్టర్
పారిశ్రామిక ప్రాంతాల్లో మౌలిక వసతుల కల్పనకు అధిక ప్రాధాన్యత ఇవ్వాలని కలెక్టర్ ఎం.ఎన్.హరేంధిర ప్రసాద్ అధికారులను ఆదేశించారు. శనివారం ఉదయం కలెక్టరేట్ మీటింగు హాలులో అధికారులతో సమావేశం నిర్వహించారు. ఆటోనగర్, మధురవాడ ఇండస్ట్రియల్, ఐటీ పార్కుల్లో పని చేసే కార్మికుల సౌకర్యార్థం బస్టాప్‌లు ఏర్పాటు చేయాలని ఆదేశించారు.