News February 9, 2026
MDK: ముగిసిన మున్సిపల్ ఎన్నికల ప్రచారం
ఉమ్మడి మెదక్ జిల్లాలో మున్సిపల్ ఎన్నికల ప్రచారానికి సాయంత్రంతో తెర పడింది. ఉమ్మడి జిల్లాలో 409 వార్డులకు 1,486 మంది అభ్యర్థులు పోటీలో నిలిచారు. గెలుపే ధ్యేయంగా పావులు కదుపుతున్న అభ్యర్థులు చివరి రోజు ముమ్మరంగా ప్రచారం నిర్వహించారు. ప్రధాన పార్టీల అభ్యర్థులు ప్రచారం ముగించి ఇక సామాజిక ఓట్లపై దృష్టి కేంద్రీకరించారు.
Similar News
News February 9, 2026
లవ్ ఫెయిల్యూర్స్తో పెరిగిన సూసైడ్స్: అనిత
AP: ఇటీవలి కాలంలో ప్రేమలు విఫలమవ్వడంతోనే అధికంగా ఆత్మహత్యలు జరుగుతున్నాయని హోంమంత్రి అనిత ఆందోళన వ్యక్తం చేశారు. ‘కుటుంబ కలహాలు, వివాహేతర సంబంధాలతోనూ ఆత్మహత్యలు పెరిగాయి. వీటిపై ఉన్నత స్థాయిలో అధ్యయనం చేసి మరణాలు అరికట్టాలి. ప్రభుత్వ అవగాహనతో లోన్ యాప్ ఆత్మహత్యలు తగ్గాయి. రాష్ట్రంలో గంజాయి సాగు జీరో పర్సెంట్ వచ్చింది’అని ఆమె వెల్లడించారు.
News February 9, 2026
SA భారీ స్కోర్.. కెనడా టార్గెట్ ఎంతంటే?
T20WC: కెనడాతో మ్యాచ్లో SA బ్యాటర్లు ఆకాశమే హద్దుగా చెలరేగారు. 20 ఓవర్లలో 213/4 రన్స్ చేశారు. కెప్టెన్ మార్క్రమ్(59) అద్భుతమైన హాఫ్ సెంచరీ చేశారు. మిల్లర్(39), స్టబ్స్(34), రికెల్టన్(33), డికాక్(25) రాణించారు. SA బ్యాటర్లను కట్టడి చేయడంలో కెనడా బౌలర్లు తేలిపోయారు. అన్ష్ పటేల్ 3 వికెట్లు, దిల్ప్రీత్ భాజ్వా ఒక వికెట్ తీశారు. విజయం కోసం కెనడా 20 ఓవర్లలో 214 పరుగులు చేయాలి.
News February 9, 2026
పీఎంశ్రీ పాఠశాలలపై వరంగల్ కలెక్టర్ సమీక్ష
పీఎంశ్రీ పథకం కింద జిల్లాలో ఎంపికైన విద్యాలయాల పనితీరుపై వరంగల్ కలెక్టర్ సత్య శారద సమీక్ష సమావేశం నిర్వహించారు. జిల్లాలో మొత్తం 16 పాఠశాలలు ఈ పథకం కింద కొనసాగుతున్న నేపథ్యంలో ఆయా పాఠశాలల్లో అమలవుతున్న కార్యక్రమాలు, నిర్వహణ తీరుపై కలెక్టర్ సమీక్షించారు. ఈ పాఠశాలల్లో విజ్ఞాన విహార యాత్రలు, యోగా శిక్షణ తరగతులు, సైన్స్ ఫెయిర్లు తదితర కార్యక్రమాలు విజయవంతంగా నిర్వహిస్తున్నట్లు అధికారులు వివరించారు.