News March 27, 2024
MDK: KCRకు ఇచ్చే GIFT అదే: MLA
మెదక్ ఎంపీ స్థానాన్ని గెలిచి BRS అధినేత KCRకు అసలైన గిఫ్ట్ ఇద్దామని ఆ పార్టీ శ్రేణులకు సంగారెడ్డి MLA చింతా ప్రభాకర్ పిలుపునిచ్చారు. ఎంపీ ఎన్నికల నేపథ్యంలో సంగారెడ్డిలో నిర్వహించిన సన్నాహక సమావేశంలో ఆయన మాట్లాడుతూ.. కాంగ్రెస్ పార్టీ ఎన్నికల సమయంలో ప్రజలకు మాయమాటలు చెప్పి అధికారంలోకి వచ్చిందని మండిపడ్డారు. అసెంబ్లీ ఎన్నికల్లో BRS ఓడిపోయినంత మాత్రాన శ్రేణులు నిరాశ చెందొద్దని, ఈసారి గెలుద్దామన్నారు.
Similar News
News March 31, 2026
మెదక్: ఉద్యోగ విరమణ రోజే ఎస్పీగా పదోన్నతి
మెదక్ జిల్లా అదనపు ఎస్పీ ఎస్.మహేందర్ ఎస్పీగా పదోన్నతి లభించింది. ఆయనను సీఐడీకి బదిలీ చేస్తూ ప్రభుత్వం ఉత్తర్వులు జారీ చేసింది. కాగా ఎస్పీగా పదోన్నతి పొందిన మహేందర్ ఉద్యోగ విరమణ చేస్తున్నారు. ఈ సందర్భంగా ఎస్పీ డి.వి.శ్రీనివాసరావు మహేందర్ శుభాకాంక్షలు తెలియజేశారు. ఉద్యోగ విరమణ రోజు పదోన్నతి పొందడం ఆనందంగా ఉందన్నారు. శేష జీవితం ఆయురారోగ్యాలతో గడవాలని ఆకాంక్షించారు.
News March 31, 2026
శాంతి భద్రతలకు విఘాతం కలిగిస్తే కఠిన చర్యలు: మెదక్ ఎస్పీ
శాంతి భద్రతల పరిరక్షణ దృష్ట్యా ఏప్రిల్ 1 నుంచి 30వ తేదీ వరకు మెదక్ జిల్లా వ్యాప్తంగా పోలీస్ యాక్ట్ 1861లోని సెక్షన్ 30, 30(ఎ) అమల్లో ఉంటుందని ఎస్పీ డి.వి.శ్రీనివాసరావు తెలిపారు. పోలీసుల ముందస్తు అనుమతి లేకుండా ధర్నాలు, రాస్తారోకోలు, నిరసనలు, ర్యాలీలు, పబ్లిక్ మీటింగ్స్, సభలు నిర్వహించడం నిషేధమని స్పష్టం చేశారు. నిబంధనలు అతిక్రమిస్తే కఠిన చర్యలు తీసుకుంటామన్నారు.
News March 31, 2026
మెదక్: తెలంగాణ స్పోర్ట్స్ స్కూల్ జిల్లా స్థాయి సెలక్షన్స్
తెలంగాణ స్పోర్ట్స్ స్కూల్ జిల్లా స్థాయి సెలక్షన్స్ మెదక్ జిల్లా కేంద్రంలోని అవుట్డోర్ స్టేడియంలో నిర్వహించారు.
జిల్లాలోని వివిధ మండలాల నుంచి 31 మంది విద్యార్థులు హాజరయ్యారు. జిల్లా యువజన, క్రీడలశాఖ అధికారి రమేశ్ గంగాల ఆధ్వర్యంలో ఎంపిక చేశారు. తెలంగాణ స్పోర్ట్స్ స్కూల్లో చేరుటగాను జిల్లాలోని మూడో తరగతి చదువుతున్న విద్యార్థులకు వివిధ అంశాలలో పోటీలను నిర్వహించారు.