News July 30, 2024

ఆగస్టు 15 నుంచి వైద్య సేవలు నిలిపివేస్తాం: ఆస్పత్రుల సంఘం

AP: తమకు రావాల్సిన బకాయిలను చెల్లించకపోతే ఆగస్టు 15 నుంచి వైద్య సేవలు నిలిపివేయాలని స్పెషాలిటీ ఆస్పత్రుల సంఘం నిర్ణయించింది. దీనిపై ఎన్టీఆర్ వైద్య సేవా ట్రస్ట్ సీఈవోకు లేఖ రాసింది. దాదాపు రూ.2,500కోట్ల బకాయిలు రావాల్సి ఉందని, ప్రతి నెలా రూ.250కోట్లు అదనంగా కలుస్తున్నట్లు పేర్కొంది. గత 8 నెలల నుంచి బిల్లులు చెల్లించకపోవడంతో ఆస్పత్రుల నిర్వహణ కష్టంగా మారిందని తెలిపింది.