News October 17, 2024
గ్రూప్-1 అభ్యర్థులను కలుస్తా: కేటీఆర్
TG: ఒక్క ఏడాదిలోనే 2 లక్షల ప్రభుత్వ ఉద్యోగాలను భర్తీ చేస్తామని కాంగ్రెస్ మోసం చేసిందని కేటీఆర్ విమర్శించారు. గ్రూప్-1 మెయిన్స్ పరీక్షలను రద్దు చేయాలంటూ ఆందోళన చేస్తున్న అభ్యర్థులకు ఆయన మద్దతు తెలిపారు. ఇవాళ HYDలోని అశోక్ నగర్ లేదా తెలంగాణ భవన్‌లో వారిని కలుస్తానని ట్వీట్ చేశారు. మెయిన్స్ పరీక్షలను రీషెడ్యూల్ చేయాలని, అరెస్టు చేసిన అభ్యర్థులను విడుదల చేయాలని డిమాండ్ చేశారు.
Similar News
News October 17, 2024
‘స్పిరిట్’లో రణ్‌బీర్, విజయ్ దేవరకొండ?
పాన్ ఇండియా స్టార్ ప్రభాస్, సందీప్ రెడ్డి వంగా కాంబినేషన్‌లో ‘స్పిరిట్’ మూవీ తెరకెక్కనున్న విషయం తెలిసిందే. ఈ సినిమాలో విజయ్ దేవరకొండ, రణ్‌బీర్ కపూర్‌లు నటిస్తారని ఇండస్ట్రీలో ఓ న్యూస్ చక్కర్లు కొడుతోంది. అలాగే ఓ స్టార్ హీరోను ఈ చిత్రంలో విలన్‌గా తీసుకోవాలని సందీప్ ప్రయత్నిస్తున్నట్లు టాక్. ఈ మూవీలో రెబల్ స్టార్ డ్యుయెల్ రోల్ పోషించనున్నట్లు సమాచారం.
News October 17, 2024
మోదీ బ్రాండ్ వాషింగ్ మెషీన్.. అవినీతి మటు మాయం: ఏపీ కాంగ్రెస్
స్కిల్ డెవలప్‌మెంట్ కేసులో సీఎం చంద్రబాబుకు ఈడీ క్లీన్‌చిట్ ఇచ్చినట్లు వార్తలు వస్తున్న నేపథ్యంలో ఏపీ కాంగ్రెస్ సెటైర్లు వేసింది. ‘2023లో చంద్రబాబుపై స్కిల్ డెవలప్‌మెంట్ స్కాం కేసు. 2024లో బీజేపీతో పొత్తు. 2024లో బాబుకు క్లీన్‌చిట్. మోదీ బ్రాండ్ వాషింగ్ మెషీన్. అవినీతి మటు మాయం’ అని ట్వీట్ చేసింది. చంద్రబాబు వాషింగ్ మెషీన్ నుంచి బయటకు వస్తున్నట్లు ఉన్న ఫొటోను షేర్ చేసింది.
News October 17, 2024
హైదరాబాద్‌లో ఐటీ రైడ్స్.. బొప్పరాజు ఇళ్లలో తనిఖీలు
TG: హైదరాబాద్‌లోని కొల్లూరు, రాయదుర్గంలో ఐటీ అధికారులు సోదాలు చేస్తున్నారు. 30 చోట్ల ఏకకాలంలో దాడులు జరుగుతున్నాయి. గూగి ప్రాపర్టీస్ అండ్ డెవలపర్స్, అన్విత బిల్డర్స్ కార్యాలయాల్లో తనిఖీలు చేస్తున్నారు. బొప్పరాజు అచ్యుతరావు, శ్రీనివాసరావు, అనూప్ రావు ఇళ్లతో పాటు విజయవాడకు చెందిన రియల్టర్ల ఇళ్లలో సోదాలు చేస్తున్నారు.