News June 24, 2024
రాహుల్ గాంధీని కలిసిన పోచారం
TG: ఇటీవల కాంగ్రెస్ కండువా కప్పుకున్న ఎమ్మెల్యే పోచారం శ్రీనివాస్ రెడ్డి ఆ పార్టీ అగ్రనేత రాహుల్ గాంధీతో సమావేశమయ్యారు. సీఎం రేవంత్ ఆయనతో పాటు ఉన్నారు. నిన్న జగిత్యాల ఎమ్మెల్యేను సీఎం రేవంత్ పార్టీలోకి ఆహ్వానించగా, మరో 20 మంది MLAలు తమతో చేరుతారని కాంగ్రెస్ వర్గాలు పేర్కొన్నాయి. మరోవైపు ఈ చేరికలతో కాంగ్రెస్ బలం 64 నుంచి 70కి చేరింది.
Similar News
News April 11, 2026
అంతర పంటల్లో తీసుకోవాల్సిన జాగ్రత్తలు
దీర్ఘకాలిక పంటల మధ్య.. స్వల్పకాలిక పంటలను అంతర పంటలుగా వేసుకోవాలి. పప్పు జాతి రకాలను సాగు చేస్తే పోషకాలను గ్రహించే విషయంలో పంటల మధ్య పోటీ ఉండదు. ప్రధాన పంటకు ఆశించే చీడపీడలను అడ్డుకునేలా అంతరపంటల ఎంపిక ఉండాలి. ప్రధాన, అంతర పంటలపై ఒకే తెగులు వ్యాపించే ఛాన్సుంటే సాగు చేయకపోవడం మేలు. చీడపీడల తాకిడిని దృష్టిలో ఉంచుకొని పంటలను ఎంచుకోవాలి. సేంద్రియ ఎరువుల వాడకంతో ఎక్కువ దిగుబడి పొందవచ్చు.
News April 11, 2026
కాశీలో శని దోషాలు పోగొట్టే ఆలయం
కాశీలో విశ్వేశ్వరుడు, విశాలాక్షి దేవి ఆలయాలతో పాటు అన్నపూర్ణాదేవి గుడి కూడా ఉంది. ఇక్కడ అమ్మవారిని దర్శిస్తే ఆహారానికి లోటుండదని నమ్మకం. అలాగే సంకట మోచన్ హనుమాన్ ఆలయాన్ని దర్శిస్తే సంకటాలు తొలగిపోతాయని పండితులు చెబుతారు. కాశీ క్షేత్ర పాలకుడైన కాలభైరవ స్వామి దర్శనంతో ఏలినాటి శని దోషాలు పోతాయని అంటున్నారు. భక్తులు మణికర్ణికా, దశాశ్వమేధ ఘాట్లు దర్శించి గంగా నదిలో పవిత్ర స్నానాలు ఆచరిస్తుంటారు.
News April 11, 2026
డీల్ కుదరకపోతే.. అమెరికా ప్లాన్-B ఏంటి?
ఇరాన్తో శాంతి చర్చలు విఫలమైతే అమెరికా ప్లాన్-Bతో సిద్ధంగా ఉన్నట్లు సమాచారం. మరోసారి పెద్ద ఎత్తున దాడి చేసేందుకు ప్రణాళికలు రెడీ చేసినట్లు తెలుస్తోంది. ఈ మేరకు పశ్చిమాసియాలో ఆయుధాలు, బలగాలను మోహరిస్తున్నట్లు టాక్. ట్రంప్ సైతం ఆ దిశగా హింట్ ఇచ్చారు. నౌకలను ఆయుధాలతో లోడ్ చేస్తున్నామని హెచ్చరించారు. దీంతో ఓవైపు దౌత్యమార్గాల్లో ప్రయత్నాలు చేస్తూనే దాడులకూ అగ్రరాజ్యం సిద్ధమవుతున్నట్లు స్పష్టమవుతోంది.