News January 4, 2025

విశాఖకు త్వరలో మెట్రో రైలు: సీఎం చంద్రబాబు

AP: నేవీ డే సందర్భంగా విశాఖ సాగర తీరంలో ప్రదర్శించిన విన్యాసాలు అద్భుతంగా ఉన్నాయని సీఎం చంద్రబాబు కొనియాడారు. రాష్ట్రానికి విశాఖ ఆర్థిక రాజధాని అని, ఇక్కడ త్వరలోనే మెట్రో రైలు ప్రారంభిస్తామని వెల్లడించారు. గతంలో ఎన్నోసార్లు నగరానికి వచ్చినప్పటికీ ఈసారి సంతోషంగా ఉందని తెలిపారు. నావికాదళ క్రమశిక్షణ చూస్తుంటే ముచ్చటేస్తోందన్నారు. హుద్ హుద్ తుఫాను సమయంలో నేవీ సహకారం మర్చిపోలేమని పేర్కొన్నారు.