News August 12, 2024
MHBD: బోనాల పండుగ.. కోడిపుంజుకు బంగారు ఆభరణాలు

మహబూబాబాద్ జిల్లాలో ఆదివారం వింత ఘటన చోటుచేసుకుంది. జిల్లాలో కేసముద్రం మండల కేంద్రంలో ఆదివారం ముత్యాలమ్మ తల్లి బోనాల వేడుకలు ఘనంగా జరిగాయి. ఈ సందర్భంగా గ్రామానికి చెందిన తొడేటి వెంకన్న అనే భక్తుడు బోనాల కోడిపుంజుకు బంగారు ఆభరణాలు అలంకరించి ఊరేగింపు చేశాడు. ఈ జాతరలో బోనాల కోడి అందరి దృష్టిని ఆకర్షించడంతో పలువురు సెల్ఫీలు.. ఫొటోలు దిగారు.
Similar News
News November 30, 2025
WGL: ఖర్చు ఎంతైనా పర్వా నై.. ఇక బుజ్జగింపుల పర్వం..!

WGL జిల్లాలో తొలి విడత నామినేషన్ల ప్రక్రియ ముగిసింది. సర్పంచ్కు 656 మంది, వార్డు మెంబర్కు 1858 మంది అభ్యర్థులు పోటీలో ఉన్నారు. నేటి నుంచి పార్టీల్లో బుజ్జగింపుల పర్వం ప్రారంభం కానుంది. తమ పార్టీలకు చెందిన రెబల్స్తో పాటు స్వతంత్రుల నామినేషన్లను వెనక్కి తీసుకునేలా నేతలు ప్రయత్నాలు వేగవంతం చేస్తున్నారు. పదవుల కోసం రూ.లక్షలు ఖర్చుపెట్టి రంగంలోకి దిగిన కొందరు వెనకడుగు వేయకపోవడంతో హీట్ పెరగనుంది.
News November 30, 2025
వరంగల్ కలెక్టరేట్ హెల్ప్డెస్క్కు 5 ఫిర్యాదులు

పంచాయతీ ఎన్నికల నేపథ్యంలో వరంగల్ కలెక్టరేట్లో ఏర్పాటు చేసిన హెల్ప్డెస్క్కు 5 ఫిర్యాదులు వచ్చాయి. మూడు ఓటర్ ఐడీ సమస్యలుగా ఉండగా, వెంటనే సంబంధిత తహశీల్దార్లకు పంపించారు. మరో రెండు ఫిర్యాదులు అవుట్సోర్సింగ్ ఉద్యోగులవి. ఉద్యోగంలో ఉండి ఎన్నికల్లో పోటీ చేయలేరని, ముందుగా రాజీనామా తప్పనిసరి అని హెల్ప్డెస్క్ స్పష్టం చేసింది. నియమావళి, ఓటింగ్, అభ్యర్థిత్వంపై సందేహాలకు హెల్ప్డెస్క్ ప్రజలకు తెలపనుంది.
News November 30, 2025
WGL: రూ.8 లక్షలు పలికిన స్థానాలు?

WGL జిల్లా వర్ధన్నపేట మండలం రామోజీ కుమ్మరిగూడెం తండా, చంద్రు తండాలు ఏకగ్రీవాలుగా నిలిచాయి. పదవుల పంపకాలు, వాటి మూల్యాల ఒప్పందాలు సైతం ముగిశాయి. రామోజీ తండా సర్పంచ్ భూక్యా సుశీల, ఉప సర్పంచ్గా భూక్యా తిరుపతి కాగా, చంద్రు తండాలో సర్పంచ్గా భూక్యా నీలా, ఉప సర్పంచ్గా మాలోతు నెహ్రూలను ఎంపిక చేసుకున్నారు. గ్రామాల అభివృద్ధికి ఇద్దరు తలా రూ.8 లక్షలు ఇచ్చేలా తీర్మానం చేసుకున్నట్లు విశ్వసనీయ సమాచారం.


