News February 3, 2025
అంగన్వాడీ పిల్లలకు మిల్క్, మిల్లెట్ స్నాక్స్!
TG: అంగన్వాడీలకు వచ్చే 3-5 ఏళ్ల పిల్లలకు మరింత క్వాలిటీ ఫుడ్ అందించాలని ప్రభుత్వం యోచిస్తోంది. ప్రస్తుతం వారికి ఒక పూట భోజనం, గుడ్డు, కుర్కురే స్నాక్స్ ఇస్తోంది. కుర్కురేకు బదులుగా ఓ గ్లాసు పాలు, మిల్లెట్స్తో చేసిన స్నాక్స్ ఇవ్వడానికి ప్రణాళిక సిద్ధం చేసింది. పిల్లలకు ఏ మిల్లెట్స్ మంచివి? వారికి సులభంగా జీర్ణమయ్యేలా ఎలా తయారుచేయాలి? అనే దానిపై నిపుణుల సలహాలు తీసుకోనుంది.
Similar News
News December 4, 2025
పుతిన్ ఇష్టపడే ఆహారం ఇదే!
రష్యా అధ్యక్షుడు పుతిన్ ఇవాళ భారత్కు రానున్నారు. ఆయన PM మోదీతో కలిసి ప్రైవేట్ డిన్నర్ చేస్తారని సమాచారం. పుతిన్ సంప్రదాయ వంటకాలను ఇష్టపడతారు. బ్రేక్ఫాస్ట్లో చీజ్, తేనె కలిపి చేసే ట్వోరోగ్ తింటారు. గుడ్లు, పండ్ల జ్యూస్ తీసుకుంటారు. చేపలు, గొర్రె మాంసం ఇష్టంగా తింటారు. షుగర్ ఫుడ్స్కు దూరంగా ఉంటారు. అరుదుగా ఐస్క్రీమ్ తీసుకుంటారు. అధికారిక డిన్నర్లలో చేపల సూప్, నాన్ వెజ్కు ప్రాధాన్యమిస్తారు.
News December 4, 2025
రూ.50లక్షలతో మూవీ తీస్తే రూ.100కోట్లు వచ్చాయ్!
గుజరాతీ సినిమా చరిత్రలో ‘లాలో: కృష్ణ సదా సహాయతే’ చిత్రం రికార్డు సృష్టించింది. కేవలం ₹50 లక్షల బడ్జెట్తో తెరకెక్కిన ఈ మూవీ 19,900% ప్రాఫిట్స్తో రూ.100 కోట్లు వసూలు చేసినట్లు సినీవర్గాలు వెల్లడించాయి. పెద్ద స్టార్లు, భారీ బడ్జెట్ లేకపోయినా కథలో బలం, మౌత్ టాక్ ద్వారా సినిమా ఇంతటి విజయం సాధించిందని తెలిపాయి. కాగా రిలీజైన ఏడో వారం కూడా థియేటర్లు కిటకిటలాడుతున్నాయి.
News December 4, 2025
బత్తాయిలో తొడిమ కుళ్లు నివారణకు సూచనలు
బత్తాయిలో తొడిమ కుళ్లు నివారణకు లీటరు నీటికి కాపర్ఆక్సీక్లోరైడ్ 3గ్రా. లేదా కార్బండిజం 1గ్రాము కలిపి పిచికారీచేయాలి. తొడిమ కుళ్లు సోకి, రాలిపోయిన కాయలను ఏరి నాశనం చేయాలి. ఏటా తొలకరిలో ఎండుపుల్లలను కత్తిరించి దూరంగా పారేయాలి. శిలీంధ్రాలకు ఆశ్రయమిచ్చే కలుపు మొక్కల కట్టడికి మల్చింగ్ విధానం అనుసరించాలి. కలుపు మందులు, రసాయన ఎరువులను పరిమితంగా వాడుతూ, తోటల్లో నీటి ఎద్దడి లేకుండా జాగ్రత్తలు తీసుకోవాలి.