News August 30, 2025
అజహరుద్దీన్కు మంత్రి పదవి?
TG: మహమ్మద్ అజహరుద్దీన్కు మంత్రి పదవి దక్కే అవకాశం ఉన్నట్లు తెలుస్తోంది. ప్రొ.కోదండరాం, అజహరుద్దీన్లను <<17563180>>MLC<<>>లుగా నియమించాలని ఇవాళ క్యాబినెట్ నిర్ణయించింది. ప్రస్తుత మంత్రివర్గంలో మైనారిటీలు లేకపోవడంతో ఆయనకు మంత్రి పదవి దక్కే ఛాన్స్ ఉంది. గత ప్రభుత్వం మైనారిటీ అయిన మహమూద్ అలీకి హోంశాఖ ఇచ్చింది. ఇప్పుడూ అదే ఆనవాయితీ కొనసాగించే అవకాశాలు ఉన్నట్లు సమాచారం. ప్రస్తుతం హోంశాఖ సీఎం రేవంత్ వద్దే ఉంది.
Similar News
News January 27, 2026
రెవెన్యూ వ్యవస్థలో సమూల మార్పులు: పొంగులేటి
TG: ప్రజలకు అత్యుత్తమ సేవలు అందించే లక్ష్యంతో రెవెన్యూ వ్యవస్థలో సమూల మార్పులు చేస్తున్నామని మంత్రి పొంగులేటి శ్రీనివాసరెడ్డి తెలిపారు. 0RR పరిధిలో 39 ఇంటిగ్రేటెడ్ సబ్ రిజిస్ట్రార్ ఆఫీసులను నిర్మిస్తున్నట్లు చెప్పారు. వివాహ రిజిస్ట్రేషన్ల కోసం మినీ మ్యారేజీ హాల్, గర్భిణులకు, వృద్ధులకు లిఫ్ట్ తదితరాలు ఉంటాయన్నారు. రెండో విడతలో జిల్లా కేంద్రాల్లో భవనాలను నిర్మిస్తామని పేర్కొన్నారు.
News January 27, 2026
బొప్పాయిలో తెగుళ్ల నివారణకు సూచనలు
నాణ్యమైన ధ్రువీకరించిన విత్తనాలను ఎంపిక చేసుకోవాలి. విత్తన శుద్ధి తప్పక చేసుకోవాలి. నర్సరీల నుంచి మొక్కలను తీసుకుంటే వైరస్ తెగుళ్ల లక్షణాలు లేకుండా చూసుకోవాలి. ఏదైనా మొక్కలో వైరస్ తెగులు లక్షణాలు కనిపిస్తే దాన్ని పంట నుంచి తీసేసి దూరంగా కాల్చివేయాలి. తోటలో ఎక్కువగా నీరు నిల్వ ఉండకుండా చూసుకోవాలి. బొప్పాయి నారు మొక్కలను పొలంలో నాటే 3 రోజుల ముందే లీటరు నీటికి 1.5గ్రా. అసిఫేట్ కలిపి పిచికారీ చేయాలి.
News January 27, 2026
విశ్వేశ్వరయ్య నేషనల్ ఇన్స్టిట్యూట్ ఆఫ్ టెక్నాలజీలో ఉద్యోగాలు
విశ్వేశ్వరయ్య నేషనల్ ఇన్స్టిట్యూట్ ఆఫ్ టెక్నాలజీ 45 నాన్ అకడమిక్ పోస్టుల భర్తీకి దరఖాస్తులు కోరుతోంది. అర్హతగల వారు మార్చి 1వరకు అప్లై చేసుకోవచ్చు. పోస్టును బట్టి డిగ్రీ, PG(లైబ్రరీ సైన్స్/ఇన్ఫర్మేషన్ సైన్స్), PhD, BE/BTech/MSc, MCA, డిప్లొమా, ఇంటర్, ITI ఉత్తీర్ణతతో పాటు పని అనుభవం ఉండాలి. షార్ట్ లిస్టింగ్, స్క్రీనింగ్ టెస్ట్, సబ్జెక్టివ్ టెస్ట్, స్కిల్ టెస్ట్, ఇంటర్వ్యూ ద్వారా ఎంపిక చేస్తారు.