News December 22, 2024
అల్లు అర్జున్ ప్రెస్మీట్పై మంత్రి కామెంట్స్
TG: ప్రెస్మీట్లో అల్లు అర్జున్ కామెంట్స్ సీఎంను అగౌరవపరిచే విధంగా ఉన్నాయని, వాటిని వెనక్కి తీసుకోవాలని సినిమాటోగ్రఫీ మంత్రి కోమటిరెడ్డి వెంకట్ రెడ్డి డిమాండ్ చేశారు. పర్మిషన్ లేకుండా ఆయన థియేటర్కు వచ్చారని, తమ వద్ద అన్ని ఆధారాలున్నాయని చెప్పారు. ఈ ఘటనను రాజకీయం చేయొద్దని, చట్టం తన పని తాను చేసుకుపోతుందని వ్యాఖ్యానించారు. ప్రభుత్వం, సినీ ఇండస్ట్రీ మధ్య గ్యాప్ లేదని మంత్రి స్పష్టం చేశారు.
Similar News
News February 2, 2026
ఏలూరులో కొర్ల బండి ఊరేగింపు రూట్ మ్యాప్ ఇదే
ఏలూరు పడమర వీధి గంగానమ్మ జాతర ముగింపు సందర్భంగా సోమవారం నిర్వహించే కొర్ల బండి ఊరేగింపు మార్గాన్ని పోలీసులు ప్రకటించారు. ఈ బండి పడమర వీధి నుంచి ప్రారంభమై గడియార స్తంభం, బిర్లా భవన్, రామకోటి, గాంధీ మైదానం, జూట్ మిల్, పాత బస్టాండ్, అల్లూరి సీతారామరాజు స్టేడియం మీదుగా ఆశ్రమ ఆసుపత్రి రోడ్డు వద్ద ముగుస్తుంది. భక్తులు, వాహనదారులు ఈ రూట్మ్యాప్ను అనుసరించాలని అధికారులు సూచించారు.
News February 2, 2026
హుజురాబాద్: మొదలైన బుజ్జగింపులు.. లేదంటే బేరసారాలు!
హుజురాబాద్ మున్సిపల్ ఎన్నికల బరిలో నిలిచిన రెబెల్ అభ్యర్థులను తప్పుకోవాలని కోరుతూ బీఆర్ఎస్, బీజేపీ, కాంగ్రెస్ పార్టీలు బుజ్జగిస్తున్నాయి. 30 వార్డులకు గాను కాంగ్రెస్ నుంచి 53, బీజేపీ నుంచి 48, బీఆర్ఎస్ నుంచి 39 మంది అభ్యర్థులు నామినేషన్ దాఖలు చేశారు. దీంతో అదనంగా ఉన్న అభ్యర్థులను పోటీ నుంచి తప్పించేందుకు ప్రయత్నాలు బలంగా సాగుతున్నాయి. బుజ్జగింపులకు లొంగని వారితో నేతలు బేరసారాలు ప్రారంభించారు.
News February 2, 2026
గోదావరిలో దూకబోయిన యువకుడిని కాపాడిన పోలీసులు
కుటుంబంలో కలహాలతో ఆత్మహత్యకు యత్నించిన యువకుడిని ఆలమూరు పోలీసులు టెక్నాలజీ సాయంతో కాపాడారు. ఆత్రేయపురం పెద్దపేటకు చెందిన కాలా బత్తుల రవి కిరణ్ గోదావరిలో దూకుతున్నానని ఆదివారం తన సోదరి చిన్నారికి ఫోన్ చేశాడు. ఆమె వెంటనే పోలీసులకు సమాచారం ఇవ్వడంతో రంగంలోకి దిగిన పోలీసులు గాలింపు చేపట్టారు. రవి కిరణ్ ఆచూకీ కనిపెట్టి, రక్షించారు.