News August 2, 2024

అవయవదానానికి అంగీకరిస్తూ మంత్రి సంతకం

AP: అవయవదానం చేసిన వారి అంత్యక్రియల్లో కలెక్టర్, SP పాల్గొని వీరవందనం చేసేలా మార్పులు తెస్తామని మంత్రి సత్యకుమార్ తెలిపారు. విజయవాడలో జీవన్ దాన్‌పై అవగాహన కార్యక్రమంలో పాల్గొన్న ఆయన.. తన అవయవదానానికి అంగీకరిస్తూ సంతకం చేశారు. ‘అవయవదానానికి మతాచారాలు అడ్డొస్తున్నాయని అంటున్నారు. ఏ దేవుడు అయినా పరులకు మంచి చేయమనే చెబుతాడు. వేల మందికి పునర్జన్మ ఇచ్చేందుకు ప్రజలు ముందుకు రావాలి’ అని పిలుపునిచ్చారు.