News November 8, 2024
అనుచిత ప్రవర్తన.. జోసెఫ్‌పై రెండు మ్యాచ్‌ల నిషేధం
కెప్టెన్ హోప్‌పై ఆగ్రహంతో మ్యాచ్ మధ్యలో <<14549882>>గ్రౌండ్ వీడిన<<>> విండీస్ బౌలర్ అల్జారీ జోసెఫ్‌పై ఆ దేశ క్రికెట్ బోర్డు మండిపడింది. అతనిపై రెండు మ్యాచ్‌ల నిషేధం విధించింది. తన ప్రవర్తనపై జోసెఫ్ విచారం వ్యక్తం చేశారు. కెప్టెన్‌కు, విండీస్ అభిమానులకు క్షమాపణలు చెప్పారు. ఇంగ్లండ్‌తో మూడో వన్డే నాలుగో ఓవర్‌లో ఫీల్డ్ ప్లేస్‌మెంట్‌ సరిగా లేదంటూ జోసెఫ్ గ్రౌండ్ నుంచి వెళ్లిపోవడం వివాదాస్పదమైన విషయం తెలిసిందే.
Similar News
News September 16, 2025
విషాదం.. గుండెపోటుతో డిగ్రీ విద్యార్థిని మృతి
AP: వయసుతో సంబంధం లేకుండా గుండెపోటు మరణాలు చోటు చేసుకుంటున్నాయి. ఎన్టీఆర్ జిల్లా నందిగామలో డిగ్రీ విద్యార్థిని నాగమణి(18) హార్ట్ ఎటాక్‌తో ప్రాణాలు కోల్పోయింది. నిన్న సాయంత్రం కాలేజీ నుంచి స్నేహితులతో నడుచుకుంటూ ఇంటికి బయల్దేరింది. వారితో మాట్లాడుతుండగానే అకస్మాత్తుగా కుప్పకూలింది. వెంటనే ఆసుపత్రికి తరలించగా అప్పటికే ఆమె చనిపోయిందని వైద్యులు తెలిపారు. మరణానికి గుండెపోటే కారణమని పేర్కొన్నారు.
News September 16, 2025
ఇంట్లో శంఖం ఉంచవచ్చా?
ఇంట్లో శంఖం ఉంచడం శుభప్రదమని పండితులు చెబుతున్నారు. శంఖాన్ని ఇంట్లో ఉంచి పూజిస్తే తీర్థయాత్రలు చేసిన పుణ్యం లభిస్తుందని అంటున్నారు. ‘శంఖం ఊదడం వల్ల పాపాలు నశిస్తాయి. వాస్తు దోషాలు తొలగి, ఇంట్లో సానుకూల శక్తి పెరుగుతుంది. లక్ష్మీదేవి, విష్ణువులకు శంఖం ప్రియమైంది. ఇది ఇంట్లో ఉంటే లక్ష్మీదేవి కూడా ఇంట్లోనే ఉంటుంది. శంఖం ఊదడం వల్ల ఆరోగ్య ప్రయోజనాలు ఉన్నాయి’ అని అంటున్నారు.
News September 16, 2025
హనుమంతుడు స్త్రీ రూపంలో వెలసిన ఆలయం
ఛత్తీస్‌గఢ్‌లోని రతన్‌పూర్‌లో ఉన్న ‘గిరిజాబంద్ హనుమాన్ ఆలయం’ చాలా ప్రత్యేకమైనది. ఇక్కడ హనుమంతుడిని స్త్రీ రూపంలో పూజిస్తారు. కుష్టు వ్యాధితో బాధపడుతున్న రాజు పృథ్వీ దేవ్జూ కలలో కనిపించిన హనుమంతుడు, ఆలయాన్ని నిర్మించమని ఆదేశించాడు. నిర్మాణం పూర్తయ్యాక, జలాశయం నుంచి బయటపడిన స్త్రీ రూపంలోని హనుమాన్ విగ్రహాన్నే రాజు ఆలయంలో ప్రతిష్ఠించాడు. ఆ తర్వాత రాజుకు వ్యాధి నయమైంది.