News February 10, 2025

MNCL: నేటి నుంచి పలు రైళ్లు రద్దు

image

మంచిర్యాల, కొమురం భీమ్ ఆసిఫాబాద్‌ జిల్లాల్లోని సిర్పూర్ కాగజ్‌ నగర్‌, రెబ్బెన, బెల్లంపల్లి, మంచిర్యాల రైల్వే స్టేషన్ల మీదుగా వివిధ ప్రాంతాలకు వెళ్లే పలు రైళ్లు నేటి నుంచి 20వ తేదీ వరకు రద్దయ్యాయి. ఖమ్మం రైల్వే స్టేషన్‌ వద్ద నాన్‌ ఇంటర్‌ లాకింగ్‌ పనుల కారణంగా ఈ రైళ్లను రద్దు చేసినట్లు దక్షిణ మధ్య రైల్వే అధికారులు తెలిపారు. ఈ విషయాన్ని ప్రయాణికులు గమనించాలని కోరారు.

Similar News

News November 29, 2025

ప్రకాశం: ‘అభ్యంతరాలు ఉంటే తెలపండి’

image

ప్రకాశం జిల్లాలో కలవనున్న కందుకూరు, అద్దంకి డివిజన్లకు సంబంధించి ఏమైనా అభ్యంతరాలు ఉంటే 30 రోజుల్లో తెలపాలని కలెక్టర్ కార్యాలయం శుక్రవారం ప్రకటన విడుదల చేసింది. కందుకూరు రెవిన్యూ డివిజన్ పరిధిలోని 5 మండలాలను, కనిగిరి రెవిన్యూ డివిజన్ పరిధిలోని 2 మండలాలను కందుకూరులోకి కలుపుతూ.. అలాగే కొత్తగా అద్దంకి రెవెన్యూ డివిజన్‌లోని 10 మండలాలను ప్రకాశం జిల్లాలో కలుపుతున్నామని, దీనికై సూచనలు ఇవ్వాలన్నారు.

News November 29, 2025

ఆదర్శ ధర్మపత్నికి ఉండాల్సిన 6 లక్షణాలు

image

‘ఇల్లాలు ఇంటి పనులలో సేవకురాలిలా శ్రద్ధగా ఉండాలి. ముఖ్యమైన విషయాలలో మంత్రిలా బుద్ధి కుశలతతో సలహాలివ్వాలి. రూపంలో లక్ష్మీదేవిలా ఆకర్షణీయంగా ఉంటూ, భోజనం పెట్టేటప్పుడు తల్లిలా ప్రేమగా వడ్డించాలి. శృంగారంలో భర్తను రంభ వలె మెప్పించాలి. అన్నిటికీ మించి కష్టాలను సహించే భూదేవిలా ఓర్పుతో ఉండాలి. ఈ షట్కర్మలు కలిగిన స్త్రీయే నిజమైన ధర్మపత్నిగా, ఇంటికి అదృష్ట దేవతగా పరిగణిస్తారు’ అని పై శ్లోకం చెబుతోంది.

News November 29, 2025

ఖమ్మం: పంచాయతీ ఎన్నికలు.. ఇదీ పరిస్థితి..!

image

పంచాయతీ ఎన్నికల నేపథ్యంలో ఖమ్మం జిల్లాలోని పలు చోట్ల ఏకగ్రీవం చేసేందుకు ప్రధాన పార్టీల నాయకులు చూస్తున్నారు. ఇందుకు బుజ్జగింపులు, నగదు, పదవీ ఆశలు చూపుతూ పోటీ చేద్దామనుకునే వారిని తమ నిర్ణయం వెనక్కి తీసుకునేలా చేస్తున్నారు. ఇక పలు చోట్ల సర్పంచ్ పదవి కోసం వేలం పాటలు నిర్వహిస్తున్నారు. ఎవరు ఎక్కువ పాడితే వారినే ఏకగ్రీవంగా ఎన్నుకుంటున్నారు. అయితే ఇది నిబంధనలకు విరుద్ధమని అధికారులు చెబుతున్నారు.